PETISÚ #EUQUEDONACASA

Boísimos días!! Aquí seguimos dándolle vida ao blogue coas vosas contribucións. Estamos encantad@s coa participación e a acollida que tivo a proposta das receitas na casiña. Por suposto, como ven sendo de recibo na introducción, dicirvos que xa queda...UN DÍA MENOS! 💪

Hoxe, quixo pasarse por aquí para saudarvos e deixarvos a súa receita outra das nosas mestras, esta, a máis cantarina, a nosa mestra de Música SARA, que nos trae uns deliciosos PETISÚS #EUQUEDONACASA. 

Xa co nome "se me fai a boca auga". Pásavos tamén a vós?

INGREDIENTES PARA A CREMA PASTELEIRA:

• 600 ml de leite
• azucre vainilla
• cáscara de limón
• canela en rama
• 170 g de azucre
• 60 g maizena
• 2 ovos
• 100 ml leite

PASOS ELABORACIÓN CREMA:

1. Ferver o leite coa canela e a casca do limón.
2. Por outro lado, mesturar o axucre coa maizena e remexer.
3. Engadirlle os ovos e despois o leite.
4. Engadir o leite quente pasado por un coador e remexer.
5. Ao lume, remexer enérxicamene. Cando ferva a borbotón, LISTO.

INGREDIENTES PARA A MASA:

• 500 ml de auga
• 5 g de sal
• 200 g de manteiga
• 400 g de fariña
• +/- 10 ovos

PASOS ELABORACIÓN:

1. Ferver a auga máis o sal e a manteiga.
2. Engadir a fariña e escaldar enriba do lume cun pau de madeira (4-5 minutos)
3. Arrefriar en mesado.
4. Mesturar ovos de 2 en 2 ata punto de escudillado.
5. Levar ao forno mínimo a 235º
6. Encher con crema ou nata
7. Pódese bañar con chocolate ou espolvorear azucre glass.

A que xa estades buscando pola cociña os ingredientes para 
facelos? Pois veña, a que agardades?  será por tempo!!😂😂

MOITÍSIMAS GRACIAS SARA, por compartir con nós a túa sobremesa doce!Un pracer, volve cando queiras!

Biquiños virtuais a tod@s!!  💋👋