Mostrando entradas con la etiqueta lácteos. Mostrar todas las entradas
Mostrando entradas con la etiqueta lácteos. Mostrar todas las entradas

domingo, 3 de marzo de 2024

OBRADOIRO DE MANTEIGA

 

No anterior trimestre, fixemos unha saída á Granxa Casa da Fonte, preto do noso centro, actividade da ANPA e que enmarcamos dentro do noso Pdi "Coñecendo a provincia: Lucus Augusti".Quedounos pendente unha actividade.

O venres realizamos un obradoiro de MANTEIGA, na que Eros nos contou o proceso para poder elaborala e posteriormente repartiu un anaco a cada participante para que a manipulásemos e lle désemos forma. Envolvémola e levámola á casiña para compartir coa familia e unhas deliciosas torradas nunha merenda ou almorzo.

Grazas a Eros, a granxa Casa da Fonte e a nosa ANPA por facelo posible!



sábado, 1 de mayo de 2021

SEGUNDO PERÍODO DE REPARTO DE LEITE

 

Entre os días 3 DE MAIO E 14 DE MAIO, ambos inclusive, levarase a cabo o reparto de leite durante o tempo de ocio da mañá como merenda saudable. 🐮🐮🐮

Non o esquezades!! 

SORPRESA! Quizais lle engadamos algún día cacao!🍫

Nota: Os pequenos e pequenas da aula de Infantil, consumirán o leite na súa aula seguindo as medidas de hixiene e seguridade pertinentes.



jueves, 18 de marzo de 2021

BATIDO DE FRESAS E PLÁTANO NA AULA DE INFANTIL

Os pequenos e pequenas do Baliño, alumnado de Infantil, son grandes "comedores" de froita. En xeral, encántalles! 

Desta volta, decidiron preparar a súa merenda, tentempé da mañá eles mesmos e en versión líquida. Con fresas, plátano e leite, elaboraron un fresquiño e apetecible BATIDO🍓🍌

Que ben se sinte un e que ben sabe se te preparas ti mesmo xunto cos compis a merenda!!! Obviamente non perdemos de vista cumprir con tódalas medidas hixiénicas necesarias: lavado de mans, uso de tapabocas, distancia de seguridade durante a degustación (dentro do noso grupo burbulla de convivencia)

Como nos vos podemos dar a proba, deixamos que vexades cal foi o proceso e como nos poñemos as botas!!

Así celebramos a chegada de primavera🌼🌼🌼🌼🌼🌼



martes, 21 de abril de 2020

LEITE ASADA #EUQUEDONACASA



Boísimos días a todos e todas!! Isto segue marchando e a nosa cociña segue quentando motores!Así da gusto empezar un novo día no que vos recordo como o día anterior que... xa queda... UN DÍA MENOS!!👏👏🎊🎈

Hoxe recibimos a visita de dous irmáns, MANU (de 3º) e RUBÉN (de 6º), e a súa familia que nos traen a súa receita de LEITE ASADA #EUQUEDONACASA









COCIÑEIRO-COCIÑEIRO, 
LAVA AS MANS, 
ANTES DE PORTE A ELO!









INGREDIENTES:

  • Caramelo
  • Raiadura de limón
  • 8 ovos
  • Azucre (6 culleriñas)
  • 1 litro de leite
PASOS ELABORACIÓN:
  1. Faise un caramelo con azucre e ponse na base dun molde.
  2. Raiar un limón.
  3. Cáscanse oito ovos nun bol e bátense mesturando coa raiadura de limón.
  4. Botar o litro de leite e vólvese remexer.
  5. Engádese a mestura ao molde con caramelo.
  6. Métese no forno a media altura a 180º durante aprox. 30 minutos.
  7. Para saber cando está feito, probar cravando un coitelo e mirar si sae seco.
CARAMELO NA BASE


OVOS

AZUCRE

LEITE







E agora deixámosvos un video no que os temos aos dous en pleno proceso de traballo e elaboración da súa receita:



Recomendación dos chefs Manu e Rubén: ESTÁ MÁIS RICO FRÍO!!!😋😋

Envíannos tamén a súa receita escrita en papel! Traballiño completo.





MOITÍSIMAS GRACIAS A MANUE E RUBÉN, e máis a súa familia, por compartir a súa coci-receita para todos os Baliños e Baliñas, e demais seguidores do noso blogue! Aquí estaremos esperando outra visita!!👋

Pois nada, xa temos outra receitiña caseira máis para pór en práctica nas nosas casiñas. E como sinalan no final da súa receita estes dous irmáns: Quédate na Casa!!🏠👪👨👧👲👴👵👳👶

domingo, 5 de abril de 2020

BISCOITO DE IOGUR DE LIMÓN #EUQUEDONACASA


Comeza un novo día na nosa cociña virtual e éncheseme a boca para anunciarvos que xa queda...UN DÍA MENOS!😛

Hoxe, domingo, inaugura un novo mes, Abril, a nosa compi SOFÍA de 6º e Belén, que nos presentan a receita dun delicioso BISCOITO DE IOGUR DE LIMÓN #EUQUEDONACASA

INGREDIENTES:
  • iogur de limón
  • 3 ovos
  • 1 vasiño de aceite de xirasol  (medida do vasiño de iogur)
  • 2 vasiños de azucre (medida do vasiño de iogur)
  • 3 vasiños de fariña (medida do vasiño de iogur)
  • unha culler de fermento.



PASOS ELABORACIÓN:
  1. Nun recipiente separamos as claras das xemas.
  2. Batemos as claras a punto de neve.
  3. Engadimos as xemas e o vaso de aceite e mesturamos.
  4. Engadimos os dous vasiños de azucre e o fermento. Mesturamos.
  5. Incorporamos os tres vasos de fariña e seguimos mesturando.
  6. Vertemos nun bowl para o forno e metémolo dentro a 180 º , durante aproximadamente 25 minutos 


A SABOREAR!!!!👌😋

Graciñas SOFÍA E BELÉN, por compartir con nós a vosa receita e os vosos momentos. É xenial contar coa vosa participación!!!

Sofi tamén nos deixa a súa receita escrita por ela mesma. Non hai caso que estades a traballar un montón!! Sodes xeniais!


viernes, 3 de abril de 2020

BATIDO DE FRESAS E PLÁTANO #EUQUEDONACASA

Ola Baliños e Baliñas e demais seguidores do noso blogue AliméntatBaliño. Aquí estamos de novo para pechar unha semana máis na que estamos sendo IMPARABLES LOITADORES dende as nosas casas. Gracias por colaborar, por todos os vosos esforzos, por todos os aplausos que estades regalando e por toda a vida que, dende as vosas casiñas estades dando ao mundo e a este blogue, que humildemente quere axudarvos a sobrelevalo mellor!👏👏👏

E así pasando os segundos, os minutos e as horas xa vos lembro que queda ...UN DÍA MENOS!!!👌

Hoxe, as nosas compis Martina e Claudia, de 2º e 4º xunto coa súa familia, prepararon para todos e todas un fresquiño e saudable, BATIDO DE FRESAS E PLÁTANO #EUQUEDONACASA. Aiiiiiii! suspiro porque conseguiron levar a miña mente a aquel día no cole que os pequechos de infantil e os de primeiro e segundo, fixeron este batido tamén no cole para todos. Seguro que en nada estamos preparando un todiños no cole de novo!!!

Non é a mesma receita que fixemos no cole pero de seguro que estará boísima porque os ingredientes pintan moi ben!!!



INGREDIENTES:

    • 300 gr. de fresas e plátano.
    • 300 gr. de iogur de piña e coco.
    • 30 gr. de azucre 
    • 200 gr. de leite








PASOS ELABORACIÓN:
  1. Lavar moi moi moi ben as fresas.
  2. Pelar os plátanos.
  3. Cortar en anacos e engadir a froita, iogur de piña e coco, azucre e leite á batidora
  4. Batir durante aproximadamente 1 minutiño.
  5. Servir e....
DISFRUTAR!!!!!😋


Velaí estas as dúas seguindo os pasos para elaborar a súa receita.


E tamén escribiron a súa receita para traballar a expresión escrita!!  De verdade que estades sendo uns campións e campioas co que estades aguantando e traballando ademais.!!NORABOA CLAUDIA E MARTINA! 

MOITÍSIMAS GRAZAS RAPAZAS E A VOSA FAMILIA, esperámosvos aquí e será un pracer publicar outra receita que se vos ocorra!!! Bicos VIRTUAIS👄👄

P.D. Deixovos o enlace a nosa biblioteca e recórdovos que todos, todos os días se están colgando novidades (contos, curtas, recomendacións, enlaces, manualidades....). Aproveitade para entrar hoxe mesmo, VENRES 3 ABRIL, creo que teredes unha sorpresa que vos vai gustar moito. 

VISITADE A NOSA 
BIBLIO-BALIÑO!!

martes, 3 de marzo de 2020

BATIDO DE FRESA E PLÁTANO

O pasado venres os rapaces e rapazas de Infantil e 1º e 2º elaboraron un delicioso batido de fresas🍓 e plátano 🍌 para a súa merenda de recreo.

Primeiro falaron e investigaron sobre os ingredientes, utensilios e pasos para a súa elaboración nun traballo grupal no que tiveron que cubrir unhas plantillas (no caso de Infantil) e redactar unha receita (texto instructivo, no caso de Primaria). Desta maneira, facemos un traballo interdisciplinar: lectoescritura, grafomotricidade, aprender a aprender, habilidades matemáticas (no cálculo das cantidades para un número máis elevado de comensales...

Coma bos cociñeiros e cociñeiras, realizaron a súa proposta alimentaria no entorno do comedor. Fixeron dous grandes grupos, modelados e dirixidos polas súas mestras Ana e Maite.

Alí puxéronxe mans á obra, despois de telas lavado moi ben para manipular con hixiene correcta os alimentos. Recordade SEMPRE LAVAR BEN AS MANS ANTES DE PREPARACIÓN DE ALIMENTOS.

Pasaron un rato educativo, divertido e moi saudable. Aprenderon que os tentempés poden ser con froita en diferentes versións, coma esta co batido e que non requiren de moito tempo de elaboración, polo que fóra a excusa da economía temporal. O tempo é ouro se o aproveitas!!




DEIXÁMOSVOS OS PASOS SINXELOS PARA FACELO PREPARADOS POLOS NENOS E NENAS DE INFANTIL. ANIMÁDEVOS A COMER SAUDABLE!!



lunes, 27 de enero de 2020

SEMANAS DO LEITE NA ESCOLA

Durante as anteriores dúas semanas, no noso cole fixéronse xornadas de reparto de lácteos durante o tempo de lecer  e na hora da comida para os nenos e nenas que o quixeran voluntariamente.

Houbo bastantes "usuarios" que quixeron facer das súas merendas un momento saudable e diferente.

Velaí tedes algunhas fotiños dos lácteos-patios!








ENTRADA MÁIS RECENTE

OBRADOIRO DE MANTEIGA