As mazás

A cativada do Baliño está a traballar un miniproxecto cunha das froitas máis coñecidas: as mazás.

Como o Pdi do noso cole é “Miña terra galega” tiveron claro a froita que elexirían. A nosa terriña está chea de maceiras que agora mesmo se atopan en flor. Que bonita é a primavera!

Desta vez, realizaron un experimento de FLOTACIÓN, para o que, coma bos científicos e científicas, plantexaron as súas hipóteses que posteriormente corroboraron. As mazás flotan ou afunden na auga.? Pois resulta que flotan! 

E xa que estaban, pois aproveitaron para lavalas ben lavadiñas, cortáronnas e prepararon uns espetos de mazá para a súa merenda.

Traballaron aspectos como: hábitos de hixiene e alimentación saudable, autonomía, atención razoamento, motricidade fina, coordinación óculomanual, asociación cantidade (dame/colle tres…), conteo (cantos anacos hai? Cantas mazás temos?, valores coma o traballo en equipo, respecto… Unha actividade moi completa que non acaba aquí…  

Pronto teremos novas destes pequenos e pequenas e as súas aventuras coa froita… Poderedes esperar?

Grazas profe Lara e Alba por compartir con todos as vosas investigacións.

ARTE EN SAMAÍN CON MAZÁS

 A titora do grupo de 4 e 5 anos, propúxelles aos seus pequenos e pequenas unha actividade moi orixinal, na que descubriron que ademáis de como alimentos saudables, as mazás podían ter máis utilidades.

A proposta estivo rodeada de arte e creatividade coa temática do momento: Estampar mazás para dar vida a cabaciñas terroríficas de Samaín.

Aquí tendes unha pequena recolleita fotográfica da sesión cos artísticas de infantil. 

Probai a facelo e dade renda solta a vosa imaxinación coma eles e elas!

ACTIVIDADES NA NOSA HORTIÑA

Ben é sabido que o traballo nunha horta nunca falta e que é importante levalo a cabo para poder recoller os tan anhelados froitos caseiros.

Como o temos moi clariño, non esquecemos regar, arrincar herbiñas malas e por suposto, recoller... 

Mirade que exemplares feitiños de leitugas!! a que están espectaculares? 

A nosa maceira déunos dúas mazás ben fermosas, recollemos amorodos e ata un porro. 🍏🍏🍓🍓🍓🍓🌱

Que gustiño da ver que o traballiño ben feito e gozado trae recompensas!!

Vede a rapazada de 1º e 2º de primaria  ademais de aprender xuntos, traballan en equipo e colaboran polo ben común!

ANIVERSARIOS COLE. TARTA DE MAZÁ

Este ano no cole, a rapazada do grupo de 1º e 2º está moi "empeñada" en que as sobremesas dos aniversarios comúns dos trimestres as preparan eles.

Así que sen máis, e dirixidos pola súa titora Maite, axudados en cociña por Bea dispuxeron os ingredientes necesarios e lanzáronse a aventura pasteleira elaborando unha deliciosa tarta de mazá 🍏🍏🍏🍏da que demos boa conta no comedor.

INGREDIENTES:

• dúas láminas de masa de follado fresca
• 4 mazás golden grandes (non necesita azucre xa que coa mazá é abondo)

ELABORACIÓN:

• Cubrir a bandexa do forno con papel especial.
• Untar con aceite de oliva ou manteiga o papel (pouquiña cantidade)
• Estirar a masa, pinchala e metela 5 minutos no forno para darlle un golpe de calor.
• Sacala e colocar as mazás cortadas dispostas en fila en media luna
• Meter ao forno previamente quente durante 30 minutos a 180 º 
• Decorar coas guindas.

Crema opcional!

FLORES DE MAZÁ #EUQUEDONACASA

Bos días blogueir@s cociñeir@s!! outro día máis, outro DÍA MENOS!!😉

Hoxe recibimos no noso blogue a unha nova visitante, pero vella coñecida nosa, que está a participar en todo e máis do que propoñemos! Temos o pracer de presentarvos a nai de Adri e Dani, CRISTINA, que nos trae a súa recomendación cociñeira, unhas vistosas FLORES DE MAZÁ #EUQUEDONACASA

INGREDIENTES:

• hoxaldre rectangular
• mazás
• azucre

PASOS ELABORACIÓN:

1. Córtanse as mazás en anacos moi finos e déixanse en azucre unhas horas para que se abrande co seu propio almibre.
2. Córtase a plancha de hoxaldre en tiras e imos colocando as láminas de mazá
3. Cara o fina, deixamos un anaco sen nada
4. Vaise enrolando e dando a forma de flores.
5. Montar nunhas tartaletas de papel
6. Meter ao forno a 180º unha media hora (tendo en conta que depende de cada forno, controlar)

Como di Cris, "o resultado non hai máis que velo nas fotos" Unha auténtica obra de arte para comer!. 
Creo que nos van gustar moito Cris.

MOITÍSIMAS GRACIAS por participar coa túa aportación receteira.

BIQUIÑOS VIRTUAIS!!

CESTOS DE MAZÁ #EUQUEDONACASA

Aínda que é domingo, dicirvos que non me esquezo de lembrarvos que xa queda UN DÍA MENOS!!! 🌈🌈Que sodes uns SUPERHEROES E SUPERHEROINAS. 😃

E como se está convertindo en costume, os fines de semana, temos a unha mestra moi activa na súa cociña que esta vez nos envía unha receita de repostería moi orixinal.

A profe MAITE, ensínanos a preparar CESTOS DE MAZÁ #EUQUEDONACASA.

INGREDIENTES:

• Manzanas Golden
  
  
  
  
• Azucre moreno ou panela
• Manteiga
• Hojaldre conxelado.

PASOS ELABORACIÓN:

1. Previamente, desconxelar unha lámina de hoxaldre a temperatura ambiente (30 minutos)
2. Lavar e pelar as mazás.
3. Cocelas en láminas cunha culleriña de azucre e unha culleriña de manteiga.
4. Unha vez cocida, queda como unha compota, trituralo coa batidora
5. Deixar enfriar.
6. Cortar a masa en tiras e facemos cadradiños.
7. Botamos un pouco de compota nos cadrados.
8. Unimos as puntas e retorcemos as catro puntas xuntas, dando a forma de cesto.
9. Cubrimos a fonte do forno con papel de cociña e por riba esporeamos fariña.
10. Metemos no forno, prequentado a 200º e durante media hora de cocción. (controlar porque depende do forno)

LISTAS PARA PAPAR! Non digades que isto non é ARTE NA COCIÑA!! 

MOITAS GRAZAS MAITE por compartir de novo as túas recetiñas!! Agardámoste cando queiras!!!

Bicos virtuais!💋

TORTA DE MAZÁ #EUQUEDONACASA

UN DÍA MENOSSSSSSS!!! Isto está pasando rápido gracias as vosas aportacións e o voso esforzo. Xuntos PODEMOS MÁIS!!

A nosa profe MAITE, segue a enviarnos as súas deliciosas receitas e hoxe proponnos elaborar unha riquísima TORTA DE MAZÁ #EUQUEDONACASA

INGREDIENTES:

• Hojaldre
• aceite de oliva
• fariña
• mazás golden ou da casa se tendes
• almibre lixeiro de azucre ou marmelada

PASOS ELABORACIÓN:

1. Cubrimos un molde cun chorro de aceite de oliva
2. Espolvoreamos fariña por riba
3. Estiramos a masa e poñémola sobre o molde
4. Pelamos e cortamos as mazás pola metade e logo en láminas máis pequenas.
5. Imos colocando en serie unha detrás doutra en círculo ata completar a espiral.
6. Metemos ao forno, previamente prequentado a 180º .
7. Deixamos durante aproximadamente 30 minutos.
8. Cando a sacamos podemos porlle por riba marmelada de mazá, melocotón, almibre lixeiro de azucre ou nada.

Listo!!! A disfrutar no momento que nos apeteza!!👏👏👏

Grazas Maite!!! Seguimos coas portas do blogue abertas para as túas receitas e para todos e todas os que se animen!!!