3 DECEMBRO DÍA INTERNACIONAL DAS PERSOAS CON CAPACIDADES DIFERENTES

Hoxe é un día especial, un día adicado a visibilizar que as diferencias enriquecen e que o respeto polas mesmas nos une, o 

"DÍA INTERNACIONAL DAS PERSOAS  CON CAPACIDADES DIFERENTES"

Que sorte que todos e todas sexamos diferentes porque así realmente podemos aprender uns dos outros!

Ademais doutras actividades levadas a cabo durante este día no noso cole (que podedes visionar no blogue BIBLIO-BALIÑO con acceso directo dende a web da escola), tamén tivemos no recreo unha merendola de froitas e froitos de outono (peras, mazás, mandarinas, laranxas, caquis, améndoas, pistachos, abelás, noces...) que todos xuntos compartimos. Nenas e nenas participaron dun anaquiño de tempo saudable durante o seu tempo de lecer, baixo un lema que dicía:

"COMA AS FROITAS, 

TODOS SOMOS IGUAIS,

PERO DIFERENTES"

Non debemos esquecer que

"Todo o mundo é un XENIO pero se xuzgas un peixe pola súa habilidade para trepar a unha árbore, vivirá toda a súa vida pensando que é un inútil" 

(A. EINSTEIN)

ZUME DE LARANXA

O venres na aula de Infantil, preparamos a nosa propia merenda. Unha merenda moi saudable e moi sinxela na que os nenos e nenas participaron moi activamente e cunha ilusión enorme.

Fixemos un riquísimo ZUME DE LARANXA!

Para comenzar, a profe Ari ensinounos dúas froitas, uns cítricos: limón e laranxa. Empregamos os nosos sentidos para coñecelas: tacto, olfacto e vista. Entre todos, sinalamos as súas semellanzas e diferencias, e a profe anotounas nun word na pizarra para despois repasalas. Tamén trouxemos un marmelo, só un neno sabía o que era pero non recordaba o nome. Díxonos que o comía con queixo fresco...Efectivamente, así está boísimo!

Antes de realizar o noso zume de laranxa, escribimos na pizarra cales eran os pasos para elaborar a nosa pequena receita, e por suposto, como bos cociñeiros e cociñeiras, non esquecemos que o primeiro que temos que facer cando manipulamos a comida é LAVAR AS NOSAS MANS.

PASOS PREPARACIÓN:

1. Lavar ben as mans.
2. Cortar as laranxas pola metade.
3. Espremer co espremedor eléctrico.
4. Verter nunha xerra.
5. DEGUSTAR!!

CREACIÓNS OUTONO

Dende este proxecto do Aliméntat Ben que estamos levando a cabo no noso cole este curso, solicitamos ás familias que deixasen voar a súa imaxinación e creatividade para realizar cos diferentes elementos naturais de outono que nos ofrece o entorno as figuras e creacións máis tolas que se lles ocorresen.

A vosa resposta foi espectacular! Nenas e nenos, chegaron cada día cun sorriso cheo de satisfacción coas súas obras familiares nas mans para a nosa exposición no comedor.

Empregastes follas, landras, castañas, noces, millo, piñas... e sobre todo empregastes o voso tempo e ilusión en traballar xuntos. 

Ademais de pretender este obxectivo de intentar que compartises uns momentos divertidos, queremos dar a coñecer os froitos que o outono nos proporciona (noces, abelás, castañas...)

A exposición permanecerá durante uns días no noso comedor para que todos e todas poidan ver os traballos dos compañeiros e compañeiras.

MOITÍSIMAS GRACIAS POLA PARTICIPACIÓN E POR DEIXARNOS APRECIAR O ARTE DO NATURAL!!

EXPOSICIÓN e DEGUSTACIÓN FROITOS E FROITAS DE OUTONO.

Co fin de achegar ao noso alumnado os diferentes froitos e froitas característicos da época do OUTONO, preparamos no noso comedor unha exposición dos mesmos. 

Temos froitos secos (castañas, noces, abelás, améndoas, pistachos...) e froitos carnosos (mazá, pera, marmelo, laranxa, mandarina, pomelo, granada, kiwi, caqui...)

As nenas e nenos poden familiarizarse con estes productos todos os días durante a hora de comer véndoos nas mesas preparadas para tal fin.

ESPETOS DE FROITA NO MAGOSTO EN BALIÑO

No cole Baliño, hoxe celebramos o día do Magosto. Fixemos obradoiros, xogos e comemos chourizos e castañas. 

Ademais de sobremesa tamén preparamos uns riquísimos espetos de froitas variadas: mazá 🍎, kiwi, mandarina 🍊 e plátano🍌. Bañamos os espetos en chocolate líquido e xa podedes imaxinar que...nos puxemos as botas!!!

Foi un día xenial, diferente e moi divertido!!

MERENDOLAS TERRORÍFICAS

Nunha das xornadas da semana do Samaín, no noso cole fixemos un traballo colaborativo entre adultos e alumnado: as nosas merendolas de Samaín. 

Participamos dende todos os niveis, dende Infantil ata 6º de Primaria.

Cada un elaborou un menú:

• Pantasmas de plátano.
• Mandarinas maléficas.
• Tombas de marmelada.
• Vasoiras de queixo.
• Rice krispies treats (con axuda da nosa auxiliar de conversa, que nos ensinou un prato típico da época no seu país)

Despois de feitas, agardamos ata o recreo para degustar todas as receitas xuntos nunhas xornadas de convivencia interniveis. 

Grazas polo voso traballo!! 

Unhas merendas sanas e diferentes!