Coma anos anteriores chegou o Magosto e dende fai un tempo, a nosa sobremesa a parte das homenaxeadas castañas, realizamos todos os grupos do cole unha gran espetada de froitas variadas, que degustamos todos e todas xuntas despois de almorzar comida típica do Magosto.
Argallamos todo no noso comedor, o espazo máis recurrido para actividades relacionadas co plan proxecta Nutriescolas.
Arañas, morcegos, momias, nichos, meigas e demais monstruos de Samaín foron convocados no Monte Baliño para preparar unhas terroríficas e medorentas merendas polo Samaín.
Moi afanados en cada cova xunto cos mestres e mestras sabedores de apócemas fedorentamente deliciosas prepararon:
-Momias pizzeiras.
-Torradas arácnidas.
-Nichos de sandía.
-Torradas pantasma...
A que non vos atrevedes a pasar medo comendo coma nós!!!!!??????
Feliz noite escura !!
Coa teacher Nati, o alumnado de 5º e 6º de Primaria realizou unha pirámide alimenticia en inglés seguindo uns pasos:
1º. Búsqueda de información sobre os chanzos da pirámide
2º.Responder a preguntas acerca de que alimentos ian en cada un deses chanzos e a frecuencia con que se podían consumir
3º.Empregando a técnica do collage e valéndose de folletos de supermercados, foron recortando alimentos para encaixar en cada chanzo.
4º.Escribiron o nome en inglés dos alimentos seleccionados
Empregaron material de refugallo para a base da actividade (cartón) e pintáronna seguindo o código de cores do semáforo nutricional.
Coma sempre, deixámosvos fotiños dos seus traballos!
Grazas ao alumnado e a teacher polas súas ideas.
Velaquí as fotiños dos resultados!!
Every child is an artist,
the problem is staying an artist when you grow up!
(Pablo Picasso)
Seguide facendo ARTE rapazada!!!
Os máis pequenos e pequenas do Baliño xunto coas súas titoras investigaron en profundidade sobre os OVOS. Como? Pois co mellor xeito de aprender...XOGANDO! E por suposto, empregando tódolos seus sentidos o que permitiu unha estimulación a tódolos niveis: visual, olfativo, táctil...
Comezaron debullando millo para traballar esas mauciñas e a motricidade fina ademáis de recoñecer e identificar os diferentes tipos de millo. Enumeraron as espigas e déronlle de comer a pita do conto, que lles deixou como agradecemento unha sorpresa: UNHA CESTIÑA CHEA DE OVOS!
Con eses ovos... que fixeron? Pois cascáronnos e separaron clara de xema coas súas mans. Traballaron tamén as diferentes formas de cocción do ovo coa asociación imaxe -palabra (lectoescritura) e realizando o grafo das letras que formaban as palabras: fritido, cocido e batido.
Como son moi organizadiños e están moi concienciados co mundo que os rodea, decidiron aproveitar as cascas para abonar a terra da horta do cole.. Aquí non tiramos nada ao que se lle poida dar un novo uso! Machacaron as cascas con moito coidado e coñeceron que esta parte do ovo ten moitas propiedades.
Para ir rematando este miniproxecto, coa axuda dunha pesa, traballaron a lóxica-matemática vendo que ovo pesaba máis: un ovo cocido ou un ovo crú. E como colofón chegou o momento da parte máis divertida na que experimentaron empregando o corpo e gozando cos sorrisos: cos pés descalzos pisaron ovos para descubrir cal era un ovo cocidos e cal era un ovo crú.
Polas fotiños, a verdade e que podemos imaxinar que o pasaron fenomenal e aprenderon un montón.
Moitas grazas as titoras por facer que aprender sexa unha actividade do máis entretida e moitas grazas aos nenos e nenas polos vosas cariñas cheas de ilusión!!
Na aula de 4º de Infantil, temos uns artistas en potencia.
Xogando, que é como mellor se aprende, fixeron uns creativos grafismos empregando castañas: círculos con rotuladores arredor de castañas e batedora de cores para facer un fondo para pegar as iniciais dos seus nomes.
Chegou o Samaín ao Baliño!! 🎃
Que terrorificamente contentos estamos! Canto nos gusta a festa e en especial esta!
Para celebralo ademais doutras actividades, preparamos unhas arrepiantes merendolas nos diferentes grupos de convivencia coa inestimable axuda das titoras e resto de persoal que apoiou!
Nas dúas aulas de Infantil e en 1º e 2º de primaria, sorprendéronnos cunhas medorentas CABAZAS FRUTAIS.
A rapazada de 3º e 4º decoraron unhas MANDARINAS MONSTRUOSAs e uns QUEIXOS MOMIA que metían medo.
E por último, nos cursos de 5º e 6º, deleitáronse cuns PLÁTANOS-CHOCOPANTASMAGÓRICOS!!!
Mirai, mirai e tomai nota de como nolo montamos no BALIÑO para gozar de merendas saudables e moi divertidas.
VIVA O SAMAÍN,
VIVA O SAMAÍN,
NO BALIÑO E CON LERÍN!!!!
(Versos do rap creado e cantado polo alumnado de 3º e 4º. Atoparédelo na blog da biblioteca e na icona da radio escolar da nosa web)
Gracias aparte ao alumnado de 3º e 4º e a súa titora que tiveron a ben acordarse do resto de persoal docente e non docente neste día pavoroso e para que non "morreramos de fame", elaboraron na súa cociña terrorífica uns OLLOS DE OGRO cunha pinta deliciosa!!!
Seguimos cos nosos macro-aniversarios. Esta vez tocoulles aos nacidos e nacidas no mes de Outubro.
Os nosos expertos e expertas en sobremesas, a rapazada de 1º e 2º de primaria, capitaneados pola súa titora e coa axuda de Bea, seleccionaron unha receita saudable do libro Grandes Receitas: O raposo Rufo (de Dani Viéitez e Iria Iglesias) os papis dos nosos compis Fiz e Lila.
Preparáronos un marabilloso BISCOITO MÁRMORE.
Os ingredientes que empregaron seguindo a receita foron:
A titora do grupo de 4 e 5 anos, propúxelles aos seus pequenos e pequenas unha actividade moi orixinal, na que descubriron que ademáis de como alimentos saudables, as mazás podían ter máis utilidades.
A proposta estivo rodeada de arte e creatividade coa temática do momento: Estampar mazás para dar vida a cabaciñas terroríficas de Samaín.
Aquí tendes unha pequena recolleita fotográfica da sesión cos artísticas de infantil.
Probai a facelo e dade renda solta a vosa imaxinación coma eles e elas!
As mestras de Infantil, argallaron nas actividades previas ao Samaín unhas propostas didácticas moi divertidas.
Na primeira proposta, a "cativada" achegouse as cabazas dun xeito moi sensorial, empregando os sentidos do tacto, o olfacto e o sobretodo, o tacto... Miramos, ulisqueamos e tocamos! Cantas sementes ten a nosa cabaza!! Que sesión máis entretida! Non pensedes que quedou aí a cousa! Para desenvolver a súa creatividade, deixaron voar a súa imaxinación e crearon obras de arte empregando pinturas!
Na segunda proposta con cabazas, a actividade foi de achega a lóxica matemática e o mundo dos xeoplanos. Velaí os tendes, traballando a motricidade fina e deixándose levar! Non é fácil eh!
Os máis pequechos do cole xogan e aprenden durante a asemblea matutina con froitos e elementos do outono: castañas, landras, follas...
Realizan mandalas, asocian cantidade e número, fan seriacións... Empregando materiais que atopamos na natureza e achegando a aprendizaxe ao entorno máis próximo, traballan creatividade, atención, lóxica-matemática, respeto de quendas e moitos aspectos máis.
Deixámosvos fotos dos seus momentiños na aula!
Este ano no cole, a rapazada do grupo de 1º e 2º está moi "empeñada" en que as sobremesas dos aniversarios comúns dos trimestres as preparan eles.
Así que sen máis, e dirixidos pola súa titora Maite, axudados en cociña por Bea dispuxeron os ingredientes necesarios e lanzáronse a aventura pasteleira elaborando unha deliciosa tarta de mazá 🍏🍏🍏🍏da que demos boa conta no comedor.
INGREDIENTES:
Na aula de Infantil coa teacher Nati, traballaron o vocabulario das froitas en Inglés.
Primeiro visionaron un video-canción con diferentes nomes de froitas. Tiñan que pór en marcha a súa atención, xa que das froitas citadas tiñan que lembrar o nome da súa froita favorita para posteriormente dicilo.
Para rematar a actividade, e deixando fluir a súa creatividade, moldearon con plastilina a froita seleccionada.
Velaquí os tedes coas súas creacións: apple, pinneaple, watermelon, banana...!
.jpeg)
