SOBREMESAS DE ENTROIDO. CONVIVENCIA FAMILIAR

 AIIIIIIII  que ganiñas tiñamos de ENTROIDO!!! Esta festa tan tradicional galega e que en certas provincias da nosa Comunidade se celebran con multitude de eventos e que tanta sona ten no mundo enteiro. Por exemplo, o Entroido ourensán de Xinzo da Limia, Verín, Laza... ou o de Chantada (Lugo), do que fixemos algunhas pesquisas, xa que recordamos que o noso Pdi deste ano leva por título "Coñecendo a nosa provincia: Lucus Augusti"

Pois despois dos xoves de compadres e comadres, dos mandadiños do noso Meco Lerín e dunha festa rachada na que por grupos de nivel nos disfrazamos de oficios antigos típicos da provincia lucense (viticultor@s da Ribeira Sacra, pescador@s do río Sil e Miño, carpinteir@s expertos en cubas do viño e apicultores de Pantón...) degustamos xunto coas nosas benqueridiñ@s familias, sobremesas típicas de Entroido realizadas por elas e que compartimos nunha xornada de convivencia familia-escola.

REPARTO LEITE NOS TEMPOS DE LECER

 Comeza o 1º período de reparto de LEITE nos tempos de lecer,

dende o 8 de xaneiro ata o 2 de febreiro de 2024

BATIDO REFRESCANTE DE FROITA e ROBÓTICA

Para ir rematando este curso tan intenso e coas altas temperaturas que estamos tendo 😎😅, ocorréusenos preparar un delicioso batido saudable para refrescar os nosos últimos días de cole.

Así que... dito e feito! A rapazada de 1º e 2º de primaria, moi disposta por certo, foi quen se encargou de todo. Decidimos facer un batido cos seguintes ingredientes: 🍎🍌🍍

• amorodos
• plátanos
• piña
• iogur natural
• leite

Nada de azucres engadidos!!!

O paso a paso? Moi sinxelo.

1. Lavar amorodos e retirar as folliñas verdes.
2. Pelar os plátanos.
3. Trocear a piña.
4. Verter todo no batedor, incluindo o leite e o iogur natural
5. Bater ata desfacer todos os anaquiños de froita.
6. Meter no frigorífico.
7. Servir frío e disfrutar...!!😋😋🍹 

Pero a cousa amiguiños e amiguiñas, non quedou aí...Tiñamos aproveitar a actividade para facer algo máis. Entón pensamos que poderiamos empregar a robótica para traballar a nosa orientación espacial, a programación, dar indicacións e a lectura. O noso robot tivo que ir recompilando os ingredientes e os pasos da elaboración da receita! 

Aquí tendes fotiños do concentrados e concentradas que estabamos...

TAREFAS DO HORTO ESCOLAR: PLANTANDO LEITUGAS E RECOLLEITA DE AMORODOS

O noso pequeno horto neste tempo da traballiño pero tamén nos da moitas recompensas...

A rapazada tivo a laboriosa tarefa de plantar leituguiñas para as ensaladiñas que nos "papamos" no comedor e como agasallo, a terriña permitiulles recolectar uns deliciosos amorodos que gozaron comendo...

OBRADOIROS "Fai clic ao teu bocata"

O venres 13 de maio recibimos á visita dos organizadores do obradoiro que leva por nome Fai clic ao teu bocata.

Os diferentes grupos de convivencia acompañados polo profesorado foron participando e disfrutando das actividades propostas polos organizadores do obradoiro. 

O alumnado recibiu información sobre alimentación saudable na que as conservas tiveron un especial protagonismo, nunha charla divulgativa dinámica e participativa. Á vez un dos organizadores, foi o encargado de realizar os bocadillos cos seguintes ingredientes: pan artesán, sardiñas, queixo, leituga e tomate natural.

Despois realizaron uns divertidos xogos relacionados co tema.

Deixámosvos coa recopilación visual da realización deste obradoiro no que gozaron e aprenderon... Que mellor maneira!!??

TARTA DE QUEIXO AO FORNO

Buff que ben cheira!!!Dáme que temos sobremesa desas ricas...😋

A rapazada de 4º volveu aos fogóns!! Traballaron en equipo para preparar unha deliciosa sobremesa "Tarta de queixo ao forno" para todo o Baliño. Que ben nos coidan!

Deixámosvos evidencia fotográfica da súa receita para que a podades preparar en familia nas vosas casiñas.

PROXECTO "OS CÍTRICOS" EN 3 ANOS

A rapazada de Infantil de 3 anos, meteuse de cheo na investigación dos CÍTRICOS nun pequeno proxecto liderado polas súas mestras Tamara e Nati. 

Todo comezou coa chegada á aula dunha bolsa misteriosa... que habería dentro? Comezaron a pensar e facer suposicións, e trataron de adiviñar o que había dentro empregando o sentido do tacto. Sabedes o que era? CÍTRICOS (laranxas, pomelos, limóns, limas e mandarinas)!🍊🍋🍊🍋🍊🍋!! 

Cando o misterio estivo resolto, puxeron en "jaque" todos os seus sentidos: observaron, uliron, tocaron...

E a partires de aquí, realizaron unha chea de actividades con eles:

• Lóxica matemática: Ordearon segundo o seu tamaño de maior a menor
• Lectoescritura: asociando froita ao seu nome e escribíndoo.
• Motricidade fina: recortando e pegando as letras que compoñían os nomes das froitas; con pinzas recoñecer froitas sumerxíndoas en auga tinguida (da cor dos cítricos) con goteiro sobre mesa de luz.
• Creatividade: estampación das diferentes froitas e asociación do nome con selos de letras; bodegón con pinceis e témperas.
• Estimulación sensorial: cata de zumes
• Estimulación da linguaxe: poñendo fin ao proxecto co recitado dun fermoso poema titulado " Bicos Laranxas" 

A continuación deixámosvos un video cos momentos vividos durante este miniproxecto no que abofé que aprenderon e se divertiron moito. 

Grazas aos pequenos e pequenas por transmitirnos a ilusión e grazas mestras por facelo posible!!!

 

SOBREMESA DE OBLEAS

A rapazada de Libre disposición de 4º xunto cos seus compis de 3º prepararon unha sobremesa para festexar o entroido chea de ilusión e cor: unha deliciosa tarta de obleas da que demos boa conta. Sen azucre engadido aos ingredientes previos.

Puxémonos as botas!!! Somos uns lambóns e unhas lamboas!

Moitas grazas aos nosos compis e a Maite pola tan ben recibida iniciativa.

INGREDIENTES:

• Obleas
• chocolate fundido (á taza, fondue...)
• Boliñas de chocolate branco, negro...
  

ELABORACIÓN: 

1. Derreter o chocolate

2. Estender chocolate por riba das obleas colocándoas unhas enriba doutras.

3. Verter chocolate sobre a montaña de obleas.

4. Reservar na nevera ata o día seguinte.

5. Sacar da nevera e decorar con creatividade.  

  Animádesvos a facela na casa ???

 

ANIVERSARIOS NO COLE: TARTA DE QUEIXO

Voltamos cos aniversarios grupais. Esta vez celebramos os dos compañeiros e compañeiras que dan a volta ao sol no mes de novembro, decembro e xaneiro.

Da gusto poder compartir con tanta xente que nos quere os nosos días especiais. No Baliño somos moi afortunados de formar unha PEQUENA GRAN FAMILIA.

A continuación deixámosvos a receita porque de seguro queredes poñer a proba as vosas dotes culinarias. 

INGREDIENTES:

• 1 paquete galletas.
• 70 g manteiga
• 200 g queixo crema
• 500 g nata
• 80 g azucre
• 1 sobre de xelatina neutra en pó
  
• marmelada de froitos vermellos
  

ELABORACIÓN:

1. Para a base: Esmagar as galletas coa axuda dun batedor e engadir manteiga derretida. mesturando cunha culler. Verter a pasta obtida nun molde desmontable e reservar no frigorífico

2. Nunha cazola poñer o leite, o queixo crema, xelatina, a nata e o azucre. Imos mesturando mentres se quenta a lume baixo. Remexemos e non deixamos ferver. Engadimos xelatina. Separamos do lume e batemos.

3. Baleiramos a mestura enriba da base de galletas pouco a pouco.

4. Deixamos enfriar a temperatura ambiente.

5. Deixamos repousar no frigo ata o día seguinte.

6. Decoramos ao gusto: marmelada, anacos de froita...

Non vos podedes imaxinar a de valores e cousas da vida cotiá traballamos e aprendemos con estas pequenas aportacións. Grazas por suposto aos artífices de endulzarnos a sobremesa do comedor, o alumnado de 1º e 2º e a súa titora Maite, e a Bea, a nosa cociñeira. 

 

SANTA CLAUS DE FROITA

Para rematar este ano 2021 e como colofón ao final do trimestre, coincidindo coas datas de Nadal, nas aulas de Infantil, os máis cativos prepararon as súas propias merendas facéndonos partícipes das súas creacións: uns Santa Claus de plátano, fresa e arandos.🍌🍓🍇

A froita sempre é unha boa e saudable opción para as merendas e se a iso lle engadimos doses de diversión, imaxinación e ilusión, o éxito está completamente asegurado.

Por suposto, seguimos a coidar e levar a cabo todas as medidas preventivas contra a Covid: lavado de mans, uso de tapabocas e distancia.

Damos conta de que ademais de aprender facendo e experimentando, gañando en autonomía, pasaron un tempiño ben agradable compartindo cos compañeiros e compañeiras.

Queredes ver o resultado? Confiamos en que a resposta é un gran SÍ... Pois aquí o tendes!

 

 

COLLEITA DE KIWIS

Esta semana tocounos a recollida de kiwis. O alumnado de 5º e 6º foi o encargado de levar a cabo esta tarefa!

A verdade é que o noso kiwi nos dotou dunha boa cantidade de froita á que de seguro lle daremos saída. 

Na nosa escola, a froita ten un papel fundamental, tanto como sobremesa coma nos tempos de lecer e ocio. Especialmente o kiwi, ten unha gran acollida entre o noso alumnado!😋😋😍

Quédavos repertorio visual da colleita!

Gracias a todos os/as participantes nesta actividade!

ANIVERSARIOS COLE. TARTA DE MAZÁ

Este ano no cole, a rapazada do grupo de 1º e 2º está moi "empeñada" en que as sobremesas dos aniversarios comúns dos trimestres as preparan eles.

Así que sen máis, e dirixidos pola súa titora Maite, axudados en cociña por Bea dispuxeron os ingredientes necesarios e lanzáronse a aventura pasteleira elaborando unha deliciosa tarta de mazá 🍏🍏🍏🍏da que demos boa conta no comedor.

INGREDIENTES:

• dúas láminas de masa de follado fresca
• 4 mazás golden grandes (non necesita azucre xa que coa mazá é abondo)

ELABORACIÓN:

• Cubrir a bandexa do forno con papel especial.
• Untar con aceite de oliva ou manteiga o papel (pouquiña cantidade)
• Estirar a masa, pinchala e metela 5 minutos no forno para darlle un golpe de calor.
• Sacala e colocar as mazás cortadas dispostas en fila en media luna
• Meter ao forno previamente quente durante 30 minutos a 180 º 
• Decorar coas guindas.

Crema opcional!

COIDANDO DO NOSO PEQUENO HORTO ESCOLAR

Esta semana estivemos moi atarefados co coidado do noso pequeno horto escolar. Os horti-axudantes fixeron de todo para manter a nosa producción ao día e nos poder aproveitar dela o máis pronto posible.

Estamos a ter unhas altas temperaturas, polo que debemos regar a cotío. Velaquí tendes a Ana de 2º dando de beber aos tomates. 🍅🍅🍅

Por outra banda, a nosa mestra Maite, preparou quendas de regadío para que todo o alumnado participe durante os tempos de lecer, pero dun xeito organizado. Tomás e Alexander regan na quenda do seu grupo de convivencia (3º-4º) aos que lles toca esta semana. A que se lles da moi ben?? Traballo en equipo!!👌💪💪

E por último, para completar un pouquiño máis a variedade de produtos (leitugas, tomates, cebolas...), as nosas compañeiras de 4º plantaron lombarda.

TARTA DE IOGUR NATURAL, AMORODOS E ARANDOS: ANIVERSARIOS 1º E 2º TRIMESTRE

Nun cole pequeno hai vantaxes enormes... Unha delas é poder celebrar os aniversarios xuntiños (que non revoltos)! Que gusto da ter unha minifestiña de aniversario no comedor con tantos e tantas invitad@s. 

Que como o celebramos? Pois nin máis nin menos que con tarta de cumpleanos. Que quen a fixo? Pois os nosos compañeiros e compañeiras de 1º e 2º coa axuda da súa mestra Maite e da nosa cociñeira Bea. 

INGREDIENTES: 

-5 iogures naturais

-400 ml. de nata líquida

-1 sobre e medio de xelatina neutra en pó (15 gr)

-120 g de galleta Maríía para a base + 50 g de manteiga

-Amorodos

-Arandos

ELABORACIÓN: 

1.Triturar as galletas ata que se reduzan a fariña, mesturalas coa manteiga derretida e colocalas de base no fondo dun molde. Presionar ben para que compacte e reservar en frío.

2. Poñer a nata ao lume co azucre.  Desfacer a xelatina en pó en medio vaso de auga e deixar que se hidrate. Cando pasan 10 minutos engadir á mestura xa quente. Deixar quecer para que a xelatina se disolva por completo pero sen chegar a ferver.

3. Retirar do lume e bater a mestura cos iogures.

4. Poñer a mestura no molde. Verter sobre unha culler para que non se deforme a base. Alisar a superficie e deixar callar uns 15 minutos en frío para que teña consistencia antes de poñer as froitas elixidas enriba.

5. Decorar coas froitas ao gusto unha vez que temos a superficie consistente.

6. Deixar enfriar na nevera ata o momento de servir. Polo menos necesitamos 3 horas para que a tarta calle ben.

Segue a súa receita, atrévete a facela e mándonos unha foto ao correo do cole coa túa tarta!

A que vedes aquí abaixo é a fantástica tarta da que gozamos no comedor como sobremesa tras cantarlle aos nosos e as nosas compis o "Parabens para ti"

Cando a volvedes facer?????😋😄

SEMENTANDO CABAZAS

Os nosos compis de 1º e 2º están a tope coas súas propostas. 

A nova iniciativa foi plantar sementes de cabaza xunto coa súa argalleira mestra Maite. 

Velaí volos deixamos coas fotos do proceso, algo ben sinxelo que podemos facer nas nosas casiñas!! 

As sementas son das cabazas da leria da mestra Maite e a súa familia.

Mirai o seu tamaño!!! A que parecen de mentira??

 Moitísimas gracias!!!

BATIDO DE FRESAS E PLÁTANO NA AULA DE INFANTIL

Os pequenos e pequenas do Baliño, alumnado de Infantil, son grandes "comedores" de froita. En xeral, encántalles! 

Desta volta, decidiron preparar a súa merenda, tentempé da mañá eles mesmos e en versión líquida. Con fresas, plátano e leite, elaboraron un fresquiño e apetecible BATIDO🍓🍌

Que ben se sinte un e que ben sabe se te preparas ti mesmo xunto cos compis a merenda!!! Obviamente non perdemos de vista cumprir con tódalas medidas hixiénicas necesarias: lavado de mans, uso de tapabocas, distancia de seguridade durante a degustación (dentro do noso grupo burbulla de convivencia)

Como nos vos podemos dar a proba, deixamos que vexades cal foi o proceso e como nos poñemos as botas!!

Así celebramos a chegada de primavera🌼🌼🌼🌼🌼🌼

BUFO DE FROITA

Para dar comezo ao mes de Marzo, o grupo de convivencia formado polo alumnado de Infantil e 1º e 2º de Primaria, fixeron unha xuntanza culinaria na aula de Infantil.

Alí, xunto coas súas titoras Ana e Maite, prepararon unha deliciosa e saudable merendola para o tempo de lecer: UN BUFO DE FROITAS VARIADAS Gozaron tanto facéndoa como coméndoa!

Por descontado, dicir que se mantiveron todas as medidas de hixiene oportunas: lavado de mans, tapabocas e distancia cando degustaron a súa sobremesa.

Compartiron aprendizaxe, colaboraron, fixeron voar a súa imaxinación e creatividade, traballaron a orientación espacial, motricidade fina, seriación, traballo en equipo, respeto de opinións... e sobre todo, pasaron tempo xuntos.

Anotade os ingredientes e animaivos a pasar un bo anaco de tempo:

• Piña en rodadas
• kiwis
• amorodos
• uvas brancas
• uvas tintas

Velaquí vos deixamos un video no que recollemos momentiños da súa obra alimenticia!

CATEGORIZANDO ALIMENTOS

Estes rapaces e rapazas de 1º e 2º, xunto co seu mestre Jesús, están a aprender moito dos alimentos. Hoxe traénnos unha actividade que consistía en categorizar os alimentos atendendo a tres criterios:

• os que nos proporcionan enerxía
• os que fan que funcione o noso corpo
• os que nos axudan a crecer 

E velaquí tedes a minireportaxe fotográfica da súa tarefa.

Moitas gracias por nos ensinar cousiñas e compartir o voso traballiño!

RECEITAS DE VERÁN CON PLÁTANOS #EUQUEDONACASA

Bos días!! Damos comezo con moitísimas ganas e moitísimas esperanzas a unha nova semana e ademáis a un novo mes, o mes de XUÑO. En que momento isto pasou tan rápido? 

GRACIASSSS DE CORAZÓN A TOD@S por facérnolo tan ameno! 💙💚💛💜Sen vós ao outro lado, este blogue non tería a vida que lle destes durante este tempiño!Estou inmensamente agradecida!

Hoxe para inaugurar mes, a profe SARA envíanos un video con varias receitas deliciosas, sinxelas e moi apetecibles para facer con plátanos, esa froita que de seguro nos gusta a todos e todas. RECEITAS DE VERÁN CON PLÁTANOS #EUQUEDONACASA

Ollade o video tan chulo que nos preparou e sobre todo poñédevos máns á obra coas súas recomendacións. Eu pola miña parte probarei algunha sen dúbida.

MOITAS GRACIAS SARA!! Deíxovos co seu video. 

BIQUIÑOS E APERTAS VIRTUAIS XIGANTES!!!!👯💋💕💪

BISCOITO CEBRA #EUQUEDONACASA

BOS DÍAS A TODOS E TODAS!! Esperamos que estedes disfrutando nas vosas cociñas con todas as propostas que nos están enviando os nosos BALIÑENSES E BALIÑENSAS que xa queda UN DÍA MENOS e isto vai ir rematando!!!👌👌👌

No día de hoxe, temos de novo a visita da nosa mestra LAU, que nos trae unha receita con pintaza exquisita e cun nome moi atractivo: BISCOITO CEBRA #EUQUEDONACASA

A que vos chama a atención e estades desexando velo resultado? Os vosos desexos son ordes! Velaquí o tendes!! 

AII LAURIÑA, QUE GANIÑAS DE IR "PAPARCHO" TODO A TÚA CASA!!!

INGREDIENTES:

• 4 ovos
• 200 gr de azucre
• 250 gr de leite
• 250 gr de aceite de xirasol
• 1 culleriña de vainilla
• 250 gr de fariña
• 1 culler de fermento
• 1 pizca de sal
• 3 culleres de cacao en pó (tipo Valor en lata e sen azucre)
• 3 culleres grandes de fariña

PASOS ELABORACIÓN:

1. Prequecer o forno a 180º arriba e abaixo
2. Preparar ben o molde con manteiga e espolvorealo con fariña. Pór boca abaixo o molde para soltar o exceso de fariña
3. Noutro bol mesturar o aceite, o leite e a vainilla.
4. Tamizar a fariña, o sal e o fermento.
5. Bater ovos co azucre ata que quede ben integrado. Engadir á mestura o aceite e o leite e logo a fariña. Mesturar todo ben.
6. Separar en dous bowls igual cantidade. Nunha poñer 3 culleres de fariña e noutra 3 culleres de cacao. Mesturar cada unha ben por separado.
7. Nun molde, no centro, engadir 3 culleres da mestura blanca. Non mover o molde para nada, ela esténdese soa.
8. Xusto no medio 3 culleres de chocolate. Non mover.
9. Seguir con 3 máis da blanca no centro e sen mover o molde ir facendo unha e outra vez o mesmo ata que nos quedemos sen masa.
10. Introducir no forno e xa está. A partir dos 35 minutos pode empezar a estar. Non abrir antes o forno!! pinchar cun escarvadentes e se sae limpio xa está o biscoito. 
11. Desmoldar!!

Moi boa pinta profe Lau!!! GRACIAS. Animaivos a facelo!!! 

BIQUIÑOS VIRTUAIS