DEGUSTACIÓN FROITOS SECOS

Estamos no OUTONO e a mestra Maite fixo unha proposta a cativada de 1º e 2º que non puideron rexeitar: realizar unha degustación de diferentes FROITOS SECOS.

Antes de nada e como cada vez que imos manipular alimentos, o importante é a hixiene e polo tanto, tocaba lavar ben as mans. Despois preparamos uns pratiños nos que vertemos diferentes froitos secos: cacahuetes, pistachos, améndoas, abelás, noces... Para identificalos, escribimos en tarxetas os nomes de cada un deles e posteriormente, colocámolos nos pratos.

Chegou a mellor parte... 

COMER!! 

Gozamos cunha merenda distinta en compañía dos nosos compis e duns invitados especiais, os compañeiros e compañeiras da aula de 3º e 4º.

Intentamos ser bos anfitrións e anfitrioas!!

TARTA DE NOCES #EUQUEDONACASA

Un novo luns, unha nova semana, unha nova cociñeira, unha nova receita... e por supostos...UN DÍA MENOS para tan ansiadas apertas e bicos dos que nos vamos encher cada remate este confinamento.👫

ANA de 1º e a súa familia, son os protagonistas da entrada do noso blogue de hoxe, que nos propoñen realizar a súa TARTA DE NOCES #EUQUEDONACASA

INGREDIENTES:

• 6 ovos
• fariña (medida de 6 vasos de iogur)
• azucre (medida de 3 vasos de iogur)
• aceite (medida dun vaso de iogur)
• 2 sobres de Royal
• noces
• 2 iogures de limón

PASOS ELABORACIÓN:

1. Batemos os ovos e o azucre
2. Engadimos os iogures de limón e o aceite.
3. Engadimos a fariña e o royal.
4. Cascamos as noces e picámolas en anaquiños pequenos.
5. Botamos todo no bowl e mesturamos
6. "Enmanteigamos" o recipiente que imos meter coa mestura ao forno.
7. Vertemos a mestura nel.
8. Meter ao forno.

E xa temos preparada a nosa tartiña!! LISTA para comer!!😋

MOITÍSIMAS GRACIÑAS A ANITA e a súa familia por compartir as súas receitas e os seus momentiños familiares ao carón da cociña con todos e todas nós!

Esperámoste de novo cando che apeteza!!

CREACIÓNS OUTONO

Dende este proxecto do Aliméntat Ben que estamos levando a cabo no noso cole este curso, solicitamos ás familias que deixasen voar a súa imaxinación e creatividade para realizar cos diferentes elementos naturais de outono que nos ofrece o entorno as figuras e creacións máis tolas que se lles ocorresen.

A vosa resposta foi espectacular! Nenas e nenos, chegaron cada día cun sorriso cheo de satisfacción coas súas obras familiares nas mans para a nosa exposición no comedor.

Empregastes follas, landras, castañas, noces, millo, piñas... e sobre todo empregastes o voso tempo e ilusión en traballar xuntos. 

Ademais de pretender este obxectivo de intentar que compartises uns momentos divertidos, queremos dar a coñecer os froitos que o outono nos proporciona (noces, abelás, castañas...)

A exposición permanecerá durante uns días no noso comedor para que todos e todas poidan ver os traballos dos compañeiros e compañeiras.

MOITÍSIMAS GRACIAS POLA PARTICIPACIÓN E POR DEIXARNOS APRECIAR O ARTE DO NATURAL!!