EXCUSIÓN GRANXA O PALOMAR (LÁNCARA) E PRODUTOS LÁCTEOS

Grazas a ANPA da nosa escola, os pequenos e pequenas habitantes do Baliño, realizamos unha excursión a unha granxa próxima situada na Láncara e chamada O Palomar.  Seguimos coñecendo a nosa galicia, e en concreto a nosa provincia, Lugo, achegándonos ao noso entorno, abrindo as portas das aulas e aprendendo fóra delas. O noso pdi "Coñecendo a provincia: Lucus Augusti" parece que nos pode dar para moito.

O Palomar, é unha granxa familiar de gando vacún de leite en intensivo, con recría en extensivo e sistema de muxido. Realizamos diferentes actividades: interactuar coas vacas e alimentar aos xatos con biberón, obradoiro de muxido dunha vaca, escoitar video-conto en primeria persoa da vaca Salomé, obradoiro de facer queixo fresco a mans da avoa Carme (escoitando as súas directrices e experiencias) e finalmente degustando uns deliciosos produtos derivados do leite: queixo, tortas, biscoito, leite fervido, iogures naturais... 

Vaia paparota de merenda!!!

Canto aprendemos e que ben nos trataron... 

CANAPÉS LITERARIOS SAUDABLES POLO DÍA DO LIBRO 2023

 Para dar por finalizada a nosa intensa e completa celebración da Semana do Libro no Baliño, que mellor maneira que a última proposta de actividade. Unha combinación de LECTURA máis ALIMENTACIÓN!

A rapazada do Baliño, elixiron- debuxos e fragmentos dos seus libros favoritos, frases sobre a lectura, refráns ou poemas...que escribiron e decoraron de "puño e letra" para posteriormente espetalo nuns canapés que eles e elas mesmos realizaron cos seus grupos e profesorado nas diferentes aulas. Houbo un montón de variedade:

• canapés de queixo, arandos, framboesas e amorodos.
• canapés de queixo, noces e mel
• canapés de queixo, kiwi e amorodos
• canapés de queixo e aguacate.

Unha proposta deliciosamente productiva para fomentar o gusto pola lectura e culminar unhas xornadas adicadas aos libros. Todas e todos os membros da nosa pequena escola puidemos disfrutar da degustación no tempo de lecer deste último venres do mes de abril.

Grazas pola participación e implicación!

Deixades coma sempre o listón moi alto!!

GANDARÍA PULUÁN S.C. LEITE E QUEIXOS DA NOSA RIBEIRA SACRA

Co gallo do día da Muller 8 de Marzo, recibimos no Baliño a algunhas mulleres do noso entorno que se ofreceron voluntariamente para falarnos dos seus traballos. Entre estas fantásticas mulleres, tivemos o gusto de acoller a Puri, dona xunto co seu marido e fillos dunha explotación leitera familiar en Monforte, na que aproveitan o leite que producen as súas vacas para transformalo en queixos. Como iniciativa distintiva, contounos que maceran algúns dos seus queixos en viños Mencía para aproveitar o prestixio da zona na que se ubican. 

Ademais deste queixo elaboran queixo fresco, semicurado e curado en formatos de kilo e medio kilo.

Explicounos o que fan no día a día na súa explotación, como reparten e colaboran no traballo, cales son os produtos que elaboran e cal e o proceso que seguen... Aprendemos de onde veñen certos alimentos e que detrás do seu consumo teñen un arduo traballo e proceso de elaborado. Fixémoslle moitas preguntas! Pasamos un bo rato xuntos

Despois Puri agasallounos cuns queixiños que ese mesmo día degustamos no comedor acompañados de marmelo para a sobremesa...

Podémosvo recomendar encarecidamente porque estaba delicioso!!!

Moitas grazas Puri e familia!!

TARTA DE QUEIXO AO FORNO

Buff que ben cheira!!!Dáme que temos sobremesa desas ricas...😋

A rapazada de 4º volveu aos fogóns!! Traballaron en equipo para preparar unha deliciosa sobremesa "Tarta de queixo ao forno" para todo o Baliño. Que ben nos coidan!

Deixámosvos evidencia fotográfica da súa receita para que a podades preparar en familia nas vosas casiñas.

ANIVERSARIOS NO COLE: TARTA DE QUEIXO

Voltamos cos aniversarios grupais. Esta vez celebramos os dos compañeiros e compañeiras que dan a volta ao sol no mes de novembro, decembro e xaneiro.

Da gusto poder compartir con tanta xente que nos quere os nosos días especiais. No Baliño somos moi afortunados de formar unha PEQUENA GRAN FAMILIA.

A continuación deixámosvos a receita porque de seguro queredes poñer a proba as vosas dotes culinarias. 

INGREDIENTES:

• 1 paquete galletas.
• 70 g manteiga
• 200 g queixo crema
• 500 g nata
• 80 g azucre
• 1 sobre de xelatina neutra en pó
  
• marmelada de froitos vermellos
  

ELABORACIÓN:

1. Para a base: Esmagar as galletas coa axuda dun batedor e engadir manteiga derretida. mesturando cunha culler. Verter a pasta obtida nun molde desmontable e reservar no frigorífico

2. Nunha cazola poñer o leite, o queixo crema, xelatina, a nata e o azucre. Imos mesturando mentres se quenta a lume baixo. Remexemos e non deixamos ferver. Engadimos xelatina. Separamos do lume e batemos.

3. Baleiramos a mestura enriba da base de galletas pouco a pouco.

4. Deixamos enfriar a temperatura ambiente.

5. Deixamos repousar no frigo ata o día seguinte.

6. Decoramos ao gusto: marmelada, anacos de froita...

Non vos podedes imaxinar a de valores e cousas da vida cotiá traballamos e aprendemos con estas pequenas aportacións. Grazas por suposto aos artífices de endulzarnos a sobremesa do comedor, o alumnado de 1º e 2º e a súa titora Maite, e a Bea, a nosa cociñeira. 

 

MERENDAS MONSTRUOSAS POLO SAMAÍN

 Chegou o Samaín ao Baliño!! 🎃

Que terrorificamente contentos estamos! Canto nos gusta a festa e en especial esta!

Para celebralo ademais doutras actividades, preparamos unhas arrepiantes merendolas nos diferentes grupos de convivencia coa inestimable axuda das titoras e resto de persoal que apoiou!

Nas dúas aulas de Infantil e en 1º e 2º de primaria, sorprendéronnos cunhas medorentas CABAZAS FRUTAIS. 

A rapazada de 3º e 4º decoraron unhas MANDARINAS MONSTRUOSAs e uns QUEIXOS MOMIA que metían medo.

E por último, nos cursos de 5º e 6º, deleitáronse cuns PLÁTANOS-CHOCOPANTASMAGÓRICOS!!!

Mirai, mirai e tomai nota de como nolo montamos no BALIÑO para gozar de merendas saudables e moi divertidas.

VIVA O SAMAÍN,

 VIVA O SAMAÍN, 

NO BALIÑO E CON LERÍN!!!!

 (Versos do rap creado e cantado polo alumnado de 3º e 4º. Atoparédelo na blog da biblioteca e na icona da radio escolar da nosa web)

Gracias aparte ao alumnado de 3º e 4º e a súa titora que tiveron a ben acordarse do resto de persoal docente e non docente neste día pavoroso e para que non "morreramos de fame", elaboraron na súa cociña terrorífica uns OLLOS DE OGRO cunha pinta deliciosa!!!

PROGRAMA: FAI CLIC AO TEU BOCATA

Non paramos de recibir visitas no Baliño...Tranquil@s, que non cunda o pánico!! Cumprimos e gardamos todas as medidas necesarias de hixiene atendendo as circunstancias actuais.

Hoxe chegaron de visita express os monitores do programa "Fai clic ao teu bocata" (Consellería do Mar), sustituto do seu predecesor no que participamos o ano anterior "Ponlle as pilas ao teu bocata".

A finalidade principal deste programa é dar a coñecer ao alumnado o mundo mariño e a posibilidade do seu consumo a través das conservas debido a súa importancia nutritiva. Como??? Pois a través de explicacións teórico-visuais e como produto final, a degustación dun delicioso bocata.

Mar, a científica especializada en Bioloxía mariña, Roi, o científico especializado en química que investiga o proceso da conserva, acompañados de Lata e a súa familia (Bote, Trilatas) e de Pan e a súa familia (Molde e Millo), farán un percorrido a través das características de diferentes conservas (dende o seu hábitat natural ata chegar a ser parte dun bocata, pasando polo proceso de enlatado).

Como colofón, os monitores prepararon uns bocatas saudables mesturando diferentes ingredientes coa finalidade de saber apreciar as inmensas posibilidades culinarias para non caer na rutina e facer da elaboración e degustación das nosas merendas un momento creativo e divertido, cheo de nutrientes sans para o noso corpo.

Este día, durante o tempo de lecer, gozamos comendo o bocata na compaña (con distancia) dos nosos/as compañeiros/as. 

Agradecemos aos monitores e organizadores os agasallos que nos deixaron (entregados á rapazada uns días despois de estar en corentena): estoxo para gardar o bocata, trípticos informativos e receitas de bocatas saudables e completos.

Graciñas infinitas aos monitores polas súas explicacións e polo bo rato pasado!

Coma sempre, deixámosvos o vídeo recopilatorio deste entretido obradoiro!! 

PIZZA #EUQUEDONACASA

Boísimos días de novo! Un día novo, UN DÍA MENOS! Mil oportunidades para facer que o teu día sexa xenial e enchelo de recordos e vivencias divertidas.👌😉

Par ilo, MATEO, un cociñeiro con moito potencial, envíanos a súa receita de PIZZA CASEIRA #EUQUEDONACASA xa que os seus fogóns non deixan de quecer.

 INGREDIENTES:

• Vaso e medio de auga.
• 3 vasiños e un pouquiño máis de fariña (que a masa non quede líquida)
• unha culler de fermento
• unha culleriña de sal
• unha culleriña de aceite
• tomate
• queixo raiado
• xamón york
• champiñón

PASOS ELABORACIÓN:

1. Mesturar o fermento coa auga, fariña, sal e aceite e amasar.
2. Deixar levedar.
3. Engadir ingredientes ao gusto: tomate, queixo, xamón e champiñóns.
4. Levar ao forno prequentado.

E LISTAS... xa temos a receita de Mateo para unha cea de venres ou sábado noite con peli e millos de postre.🍕🍴

Como nos gusta verte Mate, volve cando queiras e MOITISIMAS GRACIAS A ÉL E MÁIS A SÚA FAMILIA

HAMBURGUESA CASEIRA #EUQUEDONACASA

Outra semaniña máis que se vai, e UN DÍA MENOS✌✌✌ que nos queda para vernos!!Que emoción!! Non me digades que  non tedes ganiñas de volver ao cole? Aínda que sexa solo por volvernos ver todiños correndo e sendo felices polos nosos recunchos!!AYYYYY!!!

Ben, pois hoxe, temos nova invitada e visitante no blogue Aliméntat-Baliño: ADRIANA de 3º primaria e a súa familia, propóñennos seguir na cociña e desta volta preparar unha deliciosa HAMBURGUESA #EUQUEDONACASA

INGREDIENTES:

• Carne picada
• Moi pouco adobo de allo e perexil
• Sal
• Pan raiado
• Xema de ovo

PASOS ELABORACIÓN:

1. Mesturar ben a carne co adobo (allo e perexil), un pouco de sal, pan raiado e a xema do ovo.
2. Aplastar dando a forma de hamburguesa.
3. Pór nunha tixola un pouco de aceite e facer a hamburguesa.
4. Preparar un bolo de pan engadindo ingredientes ao gusto: leituga, tomate, cebola, queixo, hamburguesa...

Adri penso que che gusta eh?? Non hai dúbida!! 

E LISTO!! xa podemos gozar do sabor dunha hamburguesa caseira para merendar ou cear coa familia!

A nosa compi Adriana prefire a hamburguesa soa pero os seus papis gústalle acompañala con todos os ingredientes e facela completiña!!!😃😋😋😋😉LAMBÓNS!!ja, ja, ja...

MOITÍSIMAS GRACIAS A ADRI E A SÚA FAMILIA, por participar no reto de compartir a súa cocireceita caseira e por nos mandar estas fotos tan chulas para ver que a nosa compi segue tan sorrinte coma sempre!!

Agardámosvos de novo cando vos pete, porque tedes as portas do noso blogue abertas de par en par!!!Agrádanos recibirvos sempre!!

BIQUIÑOS VIRTUAIS!!💋💋

PIZZAS PAN DE MOLDE #EUQUEDONACASA

Un día novo espertamos coas máis gañas que onte pero menos que mañá de que todo isto remate e volvamos as nosas vidas e as nosas rutinas. Porque sí compañeiros e compañeiras, somos animais de rutinas!Pero é un pracer coma cada día, anunciarvos que xa queda...UN DÍA MENOS!!! Un pouquiño máis de esforzo valentes heroes e heroínas. Seguimos sendo IMPARABLES E INVENCIBLES!!👊👊👌

Hoxe voltan a pasarse pola cociBaliño o noso compi MATEO E SEU IRMÁN, que están moi activos na súa cociña da casiña!! Encántanos!!Tráennos unha receita de PIZZA DE PAN DE MOLDE #EUQUEDONACASA.

INGREDIENTES:

• pan de molde
• tomate
• queixo raiado
• xamón
• piña

PASOS ELABORACIÓN:

1. Preparar as rebandas de pan que se precisen.
2. Engadir tomate, queixo raiado, xamón e piña ao gusto
3. Meter ao forno e controlar un 10 minutos máis ou menos.

LISTAS, SINXELAS, RÁPIDAS E DELICIOSAS! (podedes facer o mesmo pero poñendo de base rodas de calabacín, probade a facelas, de seguro que vos gustan!

MOITISIMAS GRACIAS MATEO E FAMILIA, un gusto ter novas vosas outra vez!! Agradecemos enormemente que nos enviedes todas as propostas que vos apetezan.

Biquiños virtuais!!💋

PIZZA CASEIRA "AO GUSTO TOMÁS" #EUQUEDONACASA

Comezamos o martes cunha gran ledicia porque continuamos quecendo motores e recibindo novas e receitiñas vosas. Isto marcha ben e so queda...UN DÍA MENOS!!✌

Hoxe recibimos no noso blogue cociñeiro a un novo compi que gustou en pasarse por aquí para compartir con nós. TOMÁS (de 2º primaria) e a súa familia, propóñennos preparar PIZZA CASEIRA "AO GUSTO TOMÁS" #EUQUEDONACASA.🍕🍕

Madre mía, madre mía... Canto éxito están tendo as pizzas como comida e cea durante estes días, e que mellor que feitiñas na casa e non precociñadas!

INGREDIENTES:

• 200 gr de fariña de trigo
• 100 ml auga morna
• 1 culler aceite de oliva
• 5 gr de fermento
• 1 pizquiña de sal
• fariña para espolvorear

RECHEO PARA A MASA:

• tomate frito
• xamón cocido
• atún 
• queixo para gratinar
• queixo
• xamón serrano
• olivas

PASOS ELABORACIÓN:

1. Mesturamos nunha cunca fariña, sal e fermento. 
2. Engadimos auga, aceite e amasamos ata que non teña grumos.
3. Reposo 30  minutos.
4. Logo estiramos a masa cun rodete sobre unha superficie plana previamente enfariñada.
5. Engadimos os ingredientes ao gusto
6. O noso compi Tomás, puxo tomate frito na base e engadiu queixo, xamón cocido, xamón serrano, atún, olivas e por úlitmo, por riba de todo, queixo para gratinar.
7. Co forno prequentando a 180 º a nosa pizza estará lista nuns 10 ou 15 minutos, dependendo do groso da masa.

BON PROVEITO!!! BUEN APETITO!!!

Tomás vese que pasou un ratiño do máis afaneado e divertido coa súa familia na cociña! Gracias por permitirnos vivenciar os vosos momentiños xuntiños aprendendo cousas da vida cotiá.

Ademais tamén nos envían o pdf da súa receita para incorporar ao noso libro de receitas #EUQUEDONACASA, que gardaremos na biblioteca como un bonito recordo desta situación. 

MOITÍSIMAS GRACIAS A TOMÁS e a súa familia. Xa sabedes, esperámosvos cando gustedes de novo por aquí. 

BICOS E APERTAS VIRTUAIS!!!💋👯

PIZZAS CASEIRAS #EUQUEDONACASA

E como o martes xa nos ven chamando a porta... o abrirlle, atopámonos con que xa queda UN DÍA MENOS e ademais cunha nova receita.

Hoxe, os nosos compis RAÚL e MARTA, de 4º e 5º curso, xunto coa súa familia, ensínannos as súas dotes na cociña da casiña🏠. Vannos amosar como facer unhas PIZZAS CASEIRAS #EUQUEDONACASA, con diferentes ingredientes.

INGREDIENTES:

• masa caseira para pizza
• fiame: york
• mozzarela, queixo
• tomate
• chocolate
• plátano

PASOS ELABORACIÓN:

PIZZA YORK E MOZARELLA:

1. Estender tomate sobre a masa
2. Engadir york por riba
3. Botar mozzarela
4. Espolvorear con orégano

PIZZA CHOCOLATE E PLÁTANO:

1. Botar chocolate sobre a masa.
2. Engadir queixo.
3. Finalmente, engadir plátano en rodas.

A continuación deixámosvos un vídeo da elaboración protagonizada polos propios cociñeiros MARTA E RAÚL, que dende a súa casiña nos envían o proceso.

Como vedes estes dous compis, recórdannos dúas cousas moi importantes:

• LAVA BEN AS MANS ANTES E DESPOIS DE COCIÑAR!✋✋
• QUÉDATE NA CASA!!🏠

Moitísimas gracias a MARTA, RAÚL e a súa familia por compartir a calor da súa cociña con nós!!

PONLLE AS PILAS AO TEU BOCATA

Hoxe recibimos no cole a dous visitantes moi simpáticos AiTOR-TILLA e Illa- PEPINILLA. 

Como??? que Quen son estes? Non os coñecedes? Pois son "PANS"...tampouco sabedes que significa isto?? Vémosvos perdidiños!!!!

 Son PROFES DA ALIMENTACIÓN E DA NUTRICIÓN SAUDABLE.

Xa está todo un pouquiño máis claro... Non sí?

Viñeron ao noso cole porque levan un obradoiro chamado PONLLE AS PILAS AO TEU BOCATA, que é unha modalidade incluida no plan proxecta Aliménta-t ben no que participa o noso cole. É unha campaña promovida pola Consellería do Mar coa colaboración da Consellería de Educación, a Consellería de Sanidade e Anfaco-Cecopesca, para dar a coñecer as múltiples virtudes das conservas de produtos do mar.

Prepararon dous obradoiros: un para os nenos e nenas de Infantil, 1º e 2º Primaria e outro para os rapaces e rapazas de 3º, 4º, 5º e 6º de Primaria.

A actividade constaba de dúas partes:

• Unha máis teórica e lúdica: presentación na pizarra dixital de diferentes produtos de alimentación que nos ofrece o mar; unha actividade lúdica de realización de crebacabezas e unha actividade con gafas 3D.
• Unha parte práctica: elaboración dos nosos propios bocatas elixindo os ingredientes que nos apeteron de entre varios ofertados (atún, millo, olivas, queixo, mexilón, leituga, tomate, sardiñas...)

Pasámolo moi ben durante a actividade, uns personaxes verdadeiramente divertidos e agradables. Aprendemos que comer san non ten porque ser aburrido  e que existen moitas posibilidades para realizar un bocadillo o máis saudable posible.

Así que como di o seu lema:

"XA NON CHE DOU MÁIS A LATA, É O MOMENTO DE FACER O TEU BOCATA"