EMPANADA, PAN E BOLOS #EUQUEDONACASA

Seguimos polas nosas casiñas e canta vida lle estamos dando! Temos que seguirlle vendo a parte boa a esta situación. Xa queda UN DÍA MENOS para volver a realidade que ansiamos!

Ollade que superproposta para esta fin de semana, que sempre temos máis tempo!

Hoxe,  a nosa coci-mestra Maite e a súa familia, o seu marido e máis o seu fillo Xacobo, traennos varias receitas empregando masa caseira. EMPANADA, PAN E BOLOS PREÑADOS #EUQUEDONACASA

PAN + EMPANADA 50% Trigo 50% Centeo

INGREDIENTES:

• 10 kgs de fariña: 5 trigo, 5 centeo
• Sal gorda
• Fermento de panadaría
• Aceite para untar base.
• Guiso para empanada ao gusto.

PASOS ELABORACIÓN:

1. Mesturamos as dúas fariñas nunha tina.
2. Desfacemos en auga morna dous puñados de sal gorda e fermento de panadaría (cando o mercas xa che dan a cantidade precisa para eses kilos)
3. Facemos un volcán e botamos no medio a auga, e imos xuntándoa coa fariña.
4. Temos que traballar moito a masa ata que quede un bolo xigante.
5. Espolvoreamos fariña polas paredes da tina, por debaixo do bolo e por riba.
6. Tapamos cun pano ben axustado.
7. Deixamos levedar como mínimo 2 horas.
8. Cun coitelo imos cortando trozos de masa, estirámolos e facemos as barras.
9. Colocamos enriba da mesa para que sigan levedando.
10. Con outro tro de masa, faremos a base da empanada.
11. Empregamos como base, o papel de dentro dos sacos da fariña (RECICLAXE), onde apoiaremos a masas (untar o papel cun pouco de aceite)
12. Estiramos cun rodete, botamos o guiso e poñemos outra tapa de masa.
13. Prememos cos dedos as dúas masas para que selen e logo imos facendo o"ribirón" dándolle voltas cos dedos índice e polgar.
14. Facémoslle un furado no medio a empanada para que respire e pinchamos cun garfo.
15. Enfornar:
16. Primeiro, metemos as barras. Poñemos fariña na pa e metemos no forno.
17. Por último as empanadas.
18. As empanadas teñen que estar 1 hora e o pan 1,15 ou 1,30 h, ir ollando!

QUE BARRA MÁIS FEITIÑA AMIGO XACOBO!!!

AII.. ESA EMPANADA TENCHE UNHA PINTA!!!😋😋

MI MADRIÑA!!! QUE BEN FUNCIONA ESTA PANADARÍA!!

E AGORA, TODO PARA O FORNO DE LEÑA!!!

SO QUEDA ESPERAR!!

TAMÉN HAI QUE RECOLLER E LIMPAR TODO!!

E xa para rematar nesta cociña, dinnos tamén que fixeron BOLIÑOS PREÑADOS

Dígovos en serio que se me está facendo boca auga....FAMILIA DE MAITE, ATENDENDES ENCARGOS A DOMICILIO???😂😂😂😂

MOITISIMAS GRACIAS AOS TRES por seguir enchendo de vida esta cociña virtual!! Volvede cando queirades!!!👋

PIZZA #EUQUEDONACASA

Boísimos días de novo! Un día novo, UN DÍA MENOS! Mil oportunidades para facer que o teu día sexa xenial e enchelo de recordos e vivencias divertidas.👌😉

Par ilo, MATEO, un cociñeiro con moito potencial, envíanos a súa receita de PIZZA CASEIRA #EUQUEDONACASA xa que os seus fogóns non deixan de quecer.

 INGREDIENTES:

• Vaso e medio de auga.
• 3 vasiños e un pouquiño máis de fariña (que a masa non quede líquida)
• unha culler de fermento
• unha culleriña de sal
• unha culleriña de aceite
• tomate
• queixo raiado
• xamón york
• champiñón

PASOS ELABORACIÓN:

1. Mesturar o fermento coa auga, fariña, sal e aceite e amasar.
2. Deixar levedar.
3. Engadir ingredientes ao gusto: tomate, queixo, xamón e champiñóns.
4. Levar ao forno prequentado.

E LISTAS... xa temos a receita de Mateo para unha cea de venres ou sábado noite con peli e millos de postre.🍕🍴

Como nos gusta verte Mate, volve cando queiras e MOITISIMAS GRACIAS A ÉL E MÁIS A SÚA FAMILIA

PIZZA INFANTIL CASEIRA #EUQUEDONACASA

Seguimos descontando días e están pasando rápido e mellor nolos facedes pasar a medida que imos recibindo novas vosas en forma de receita...UN DÍA MENOS XA!!💚💛💜

Hoxe fai a súa entrada triunfal no noso blogue a pequena CELIA, de infantil, e a súa familia que nos envían unha receita de PIZZA INFANTIL CASEIRA #EUQUEDONACASA

INGREDIENTES:

• masa caseira pizza
• Cebola
• chourizo
• queixo
• xamón

PASOS ELABORACIÓN:

1. Elaborar a masa con auga, fariña e sal.
2. Unha vez preparada, estirala ben para que sirva de base para a nosa pizza infantil.
3. Engadir ingredientes ao gusto. Eles elixiron cebola, queixo, xamón e chourizo.
4. Meter ao forno prequentado a 180º
5. E a comer!!!!

Non cabe dúbida de que as pizzas están sendo grandes protagonistas nas nosas horas de confinamento. A mellor satisfacción disto é que estamos a pasar uns ratiños colaborando en familia que nunca olvidaremos e que serán os mellores recordos que levemos desta anécdota da vida.

MOITÍSIMAS GRACIAS A CELIA e a súa familia, por pasarse polo noso blogue para compartir o seu tempiño e a súa vida cociñeira!!

Esperámosvos cando vos apeteza regresar!! un saudiño👋

P.D. Coma tódolos días, NON esquezades pasarvos polo blogue da biblioteca. Temos novidades!!!🔍🔍
https://ceipmontebalinho.blogspot.com/

AREPAS #EUQUEDONACASA

Un día máis...UN DÍA MENOS!Veña, so queda un pouquiño de esforzo máis para poder vernos de novo e darnos todas esas apertas e bicos que estamos gardando e agardando con tanta ansia! Veña valentes, que seguimos sendo IMPARABLES!!👍

Hoxe temos a un novo compi que asoma a orella por aquí para nos deixar a súa receita e para que vexamos que segue estando estupendamente ben...O noso compi de Infantil, IAN  e máis a súa familia, propóñennos facer unha receita que vén dende lonxe, dende Sudamérica, AREPAS #EUQUEDONACASA.

INGREDIENTES:

As arepas elabóranse con fariña de millo xa precocinada, que pode ser branca ou amarela.

A familia de Ian dinos que se pode comprar en calquera supermercado, a máis común é a "fariña de pan".

• 600 ml. de auga.
• 2 tazas e media de fariña, 
• sal ao gusto.
• aceite

PASOS ELABORACIÓN:

1. Botamos auga nun bol grande e salamos.
2. Engadimos a fariña e comezamos a remexer coas mans.
3. Imos mesturando/amasando en movementos de fóra cara dentro, de xeito que a fariña absorva complemente a auga e nos resulte unha masa uniforme e compacta. (A masa estará no seu punto óptimo cando non se pegan ás mans)
4. Unha vez, teñamos a masa lista, deixamos repousar un par de minutos e imos facendo bolas do tamaño un pouco maior que unha noz (como se fixésemos albóndegas) e aplastámolas ata conseguir unha forma redondeada.
5. Como imos a rellenalas, farémolas dun dedo de grosor (1,5 cm) e entre 8-10 cm de diámetro aproximado.
6. Se vemos que se nos formou algunha grieta na masa, dámoslle cun pouco de auga e pechámola.
7. Poñemos as boliñas xa aplastadas na plancha quene cun chorrito de aceite. Cociñámolas volta e volta, aproximadamente uns 15 minutos.
8. Temos que ir mirando que adquiran certo cor dourado, tostado polo exterior.
9. Poñémolas nunha bandexa no forno a 220º para que se cozan por dentro durante uns 10/15 min. Así manterán o "crujiente" exterior.
10. Imos repetindo o proceso co resto e reservamos nunha fonte.
11. Cando as teñamos todas listas podemos enchelas do que nos apeteza. Ábrense as arepas cortando a metade lonxitudinalmente, sen chegar ao fondo e metemos dentro o que queiramo (queixo, york, atún, polo en tiras, aguacate...)

Velaí temos ao noso compi Ian coas máns na masa e con moito estilo!!👀😊

E listo... xa está preparado para probar unha receita diferente e disfrutar comendo!!

MOITÍSIMAS GRAZAS A IAN e a súa familia, 😍por mandarnos a súa receita e por compartir con nós os seus ratiños na cociña e en familia.

Como vos dicimos sempre, encántanos vervos felices e rir porque iso é sinal de que estades ben e é o que nós queremos!! Esta é a maior finalidade para este blogue nesta época de confinamento.

Agardámosvos de novo cando nos queirades visitar!!!

 Deica pronto👋

P.D. Non vos olvidedes de visitar o blogue da biblio! Agora mesmo tedes propostas de retos!

PIZZA CASEIRA "AO GUSTO TOMÁS" #EUQUEDONACASA

Comezamos o martes cunha gran ledicia porque continuamos quecendo motores e recibindo novas e receitiñas vosas. Isto marcha ben e so queda...UN DÍA MENOS!!✌

Hoxe recibimos no noso blogue cociñeiro a un novo compi que gustou en pasarse por aquí para compartir con nós. TOMÁS (de 2º primaria) e a súa familia, propóñennos preparar PIZZA CASEIRA "AO GUSTO TOMÁS" #EUQUEDONACASA.🍕🍕

Madre mía, madre mía... Canto éxito están tendo as pizzas como comida e cea durante estes días, e que mellor que feitiñas na casa e non precociñadas!

INGREDIENTES:

• 200 gr de fariña de trigo
• 100 ml auga morna
• 1 culler aceite de oliva
• 5 gr de fermento
• 1 pizquiña de sal
• fariña para espolvorear

RECHEO PARA A MASA:

• tomate frito
• xamón cocido
• atún 
• queixo para gratinar
• queixo
• xamón serrano
• olivas

PASOS ELABORACIÓN:

1. Mesturamos nunha cunca fariña, sal e fermento. 
2. Engadimos auga, aceite e amasamos ata que non teña grumos.
3. Reposo 30  minutos.
4. Logo estiramos a masa cun rodete sobre unha superficie plana previamente enfariñada.
5. Engadimos os ingredientes ao gusto
6. O noso compi Tomás, puxo tomate frito na base e engadiu queixo, xamón cocido, xamón serrano, atún, olivas e por úlitmo, por riba de todo, queixo para gratinar.
7. Co forno prequentando a 180 º a nosa pizza estará lista nuns 10 ou 15 minutos, dependendo do groso da masa.

BON PROVEITO!!! BUEN APETITO!!!

Tomás vese que pasou un ratiño do máis afaneado e divertido coa súa familia na cociña! Gracias por permitirnos vivenciar os vosos momentiños xuntiños aprendendo cousas da vida cotiá.

Ademais tamén nos envían o pdf da súa receita para incorporar ao noso libro de receitas #EUQUEDONACASA, que gardaremos na biblioteca como un bonito recordo desta situación. 

MOITÍSIMAS GRACIAS A TOMÁS e a súa familia. Xa sabedes, esperámosvos cando gustedes de novo por aquí. 

BICOS E APERTAS VIRTUAIS!!!💋👯