PROGRAMA: FAI CLIC AO TEU BOCATA

Non paramos de recibir visitas no Baliño...Tranquil@s, que non cunda o pánico!! Cumprimos e gardamos todas as medidas necesarias de hixiene atendendo as circunstancias actuais.

Hoxe chegaron de visita express os monitores do programa "Fai clic ao teu bocata" (Consellería do Mar), sustituto do seu predecesor no que participamos o ano anterior "Ponlle as pilas ao teu bocata".

A finalidade principal deste programa é dar a coñecer ao alumnado o mundo mariño e a posibilidade do seu consumo a través das conservas debido a súa importancia nutritiva. Como??? Pois a través de explicacións teórico-visuais e como produto final, a degustación dun delicioso bocata.

Mar, a científica especializada en Bioloxía mariña, Roi, o científico especializado en química que investiga o proceso da conserva, acompañados de Lata e a súa familia (Bote, Trilatas) e de Pan e a súa familia (Molde e Millo), farán un percorrido a través das características de diferentes conservas (dende o seu hábitat natural ata chegar a ser parte dun bocata, pasando polo proceso de enlatado).

Como colofón, os monitores prepararon uns bocatas saudables mesturando diferentes ingredientes coa finalidade de saber apreciar as inmensas posibilidades culinarias para non caer na rutina e facer da elaboración e degustación das nosas merendas un momento creativo e divertido, cheo de nutrientes sans para o noso corpo.

Este día, durante o tempo de lecer, gozamos comendo o bocata na compaña (con distancia) dos nosos/as compañeiros/as. 

Agradecemos aos monitores e organizadores os agasallos que nos deixaron (entregados á rapazada uns días despois de estar en corentena): estoxo para gardar o bocata, trípticos informativos e receitas de bocatas saudables e completos.

Graciñas infinitas aos monitores polas súas explicacións e polo bo rato pasado!

Coma sempre, deixámosvos o vídeo recopilatorio deste entretido obradoiro!! 

PROGRAMA: TI SI QUE ES UN BO PEIXE

Esta semana tivemos no cole unha visita especial.  Recibimos aos monitores do programa  "Ti si que es un bo peixe" (Consellería do Mar); programa que da continuidade a un anterior no que participamos o ano pasado "O sabor da aventura está no mar".

A actividade consistiu nun obradoiro que ten como obxetivo principal dar a coñecer os aspectos saudables do consumo de produtos do mar. Aplicamos as medidas oportunas de hixiene e prevención (lavado de mans, xel, distancia, grupos de convivencia estables...)

Os obradoiros realizáronse durante a mañá, distribuíndo o horario atendendo aos tres grupos de convivencia establecidos no centro (Infantil+1º e 2º, 3º/4º e 5º/6º)

Durante a actividade déronnos a coñecer 9 especies de peixes e mariscos coa colaboración inestimable dos monitores e de PeiX (o asistente virtual). Tras a exposición teórica na que aprendemos un montón de cousiñas, chegou o momento do baile e o cante. Isto sí que nos gusta! Ensináronnos unha coreografía para unha canción na que a letra mencionaba as 9 especies das que tratamos. Cando "collimos" os pasos, deron paso ao karaoke.

Foi unha maneira distinta de aprender e trasladarnos ao mar nestes intres nos que tanto anhelamos viaxar!

Por certo, tamén nos deron agasallos: trípticos informativos das especies mariñas, receitas saudables e unha bandana para o sol (entregados tras tempo prudencial de corentena).

MOITÍSIMAS GRAZAS AOS MONITORES E AOS ORGANIZADORES DA CAMPAÑA!!!

Deixámosvos a recopilación videográfica do programa!!!

O SABOR DA AVENTURA ESTÁ NO MAR

O SABOR DA AVENTURA ESTÁ NO MAR é unha campaña deseñada pola Consellería do medio rural e do mar a cal se centra en transmitir aos nenos e nenas a importancia dos produtos do mar na dieta e o fomento do seu consumo. Pretende achegar aos nenos e nenas a esta información e ampliar os seus coñecementos acerca dos produtos do mar, afondar no coñecemento das especies e o papel das persoas que traballan no tema e os consumidores á hora de preservar os recursos do mar. 

A través desta campaña, tivemos a sorte de optar a unha excursión preto do mar, a Vilanova de Arousa. Organizáronnos unha actividade de marisqueo xunto a grandes profesionales mariscadoras que nos explicaron unha chea de cousiñas interesantes. Logo trasladámonos ao porto e lonxa e alí observamos como é un día a día no proceso de compra e venda do produto. Tras unha mañá axetreada e unha viaxe moi longa dende o noso cole, pasamos ao almorzo, degustando diferentes produtos do mar nun pratos moi elaborados e atractivos.🐟🍴

Despois desta actividade tan marítima, non podiamos abandoar o noso plan, así que nos trasladamos a ILLA DE AROUSA, onde nos tiñan preparada unha divertida actividade de búsqueda do tesouro.🏁

Esta actividade estivo organizada pola oficina PIRAGÜILLA (OCIO E AVENTURA: prepararon un xogo de orientación a través do cal o alumnado se divertiu e entrou en contacto co entorno natural da illa. Un xeito de poñer en valor o entorno e facer que a actividade fose unha ferramenta para fomentar o respecto e o cuidado do noso entorno, fomentando o traballo en equipo e a comunicación en pro dun mesmo obxectivo.

Estamos chegando ao final, xa imos un pouquiño máis cansos e cansas e precisamos as vacacións de verán para desconectar, cargar pilas e voltar con moita enerxía para recuperar todos eses momentos que pola situación quedaron en espera.

Somos conscientes de que os folgos xa non son os que eran cando todo isto comezou, por iso queremos que saibades que seguimos estando con vós, que seguimos con moitas ganiñas de vervos, que seguimos aquí ao outro lado da pantalla! 

Por iso queremos recordar os últimos momentiños que pasamos todos xuntiños sen saber que nos depararía o futuro (e aínda non o sabemos): o día da excursión conxunta a Vilagarcía e Vilanova de Arousa. Volverán todos eses momentos, volveremos a crear recordos, experiencias e vivencias novas xuntos no noso cole ou en calquera outro lugar. Así que gozade deste video cheo de aprendizaxe, olores (como o do mar), sabores (como os da deliciosa comida que deleitamos), cariño (como as apertas e bicos que nos demos), sensacións tactiles (como a da area mollada entre as nosas mans ou as ameixas que mariscamos), xogos (como o da búsqueda do tesouro na Illa) e montóns de anécdotas que ninguén nos borrará da nosa memoria.

ACTIVIDADE O SABOR DA AVENTURA ESTÁ NO MAR

ACTIVIDADE PIRAGÜILLA BUSCA DO TESOURO

MILLÓNS DE GRACIAS PEQUENOS E PEQUENAS, SODES OS NOSOS 

SUPERHEROES E SUPERHEROINAS!!!

VÉMONOS PRONTO!!!

PONLLE AS PILAS AO TEU BOCATA

Hoxe recibimos no cole a dous visitantes moi simpáticos AiTOR-TILLA e Illa- PEPINILLA. 

Como??? que Quen son estes? Non os coñecedes? Pois son "PANS"...tampouco sabedes que significa isto?? Vémosvos perdidiños!!!!

 Son PROFES DA ALIMENTACIÓN E DA NUTRICIÓN SAUDABLE.

Xa está todo un pouquiño máis claro... Non sí?

Viñeron ao noso cole porque levan un obradoiro chamado PONLLE AS PILAS AO TEU BOCATA, que é unha modalidade incluida no plan proxecta Aliménta-t ben no que participa o noso cole. É unha campaña promovida pola Consellería do Mar coa colaboración da Consellería de Educación, a Consellería de Sanidade e Anfaco-Cecopesca, para dar a coñecer as múltiples virtudes das conservas de produtos do mar.

Prepararon dous obradoiros: un para os nenos e nenas de Infantil, 1º e 2º Primaria e outro para os rapaces e rapazas de 3º, 4º, 5º e 6º de Primaria.

A actividade constaba de dúas partes:

• Unha máis teórica e lúdica: presentación na pizarra dixital de diferentes produtos de alimentación que nos ofrece o mar; unha actividade lúdica de realización de crebacabezas e unha actividade con gafas 3D.
• Unha parte práctica: elaboración dos nosos propios bocatas elixindo os ingredientes que nos apeteron de entre varios ofertados (atún, millo, olivas, queixo, mexilón, leituga, tomate, sardiñas...)

Pasámolo moi ben durante a actividade, uns personaxes verdadeiramente divertidos e agradables. Aprendemos que comer san non ten porque ser aburrido  e que existen moitas posibilidades para realizar un bocadillo o máis saudable posible.

Así que como di o seu lema:

"XA NON CHE DOU MÁIS A LATA, É O MOMENTO DE FACER O TEU BOCATA"