DEGUSTACIÓN FROITOS SECOS

Estamos no OUTONO e a mestra Maite fixo unha proposta a cativada de 1º e 2º que non puideron rexeitar: realizar unha degustación de diferentes FROITOS SECOS.

Antes de nada e como cada vez que imos manipular alimentos, o importante é a hixiene e polo tanto, tocaba lavar ben as mans. Despois preparamos uns pratiños nos que vertemos diferentes froitos secos: cacahuetes, pistachos, améndoas, abelás, noces... Para identificalos, escribimos en tarxetas os nomes de cada un deles e posteriormente, colocámolos nos pratos.

Chegou a mellor parte... 

COMER!! 

Gozamos cunha merenda distinta en compañía dos nosos compis e duns invitados especiais, os compañeiros e compañeiras da aula de 3º e 4º.

Intentamos ser bos anfitrións e anfitrioas!!

FROITOS DE OUTONO E LÓXICA MATEMÁTICA

 Os/As peque-Baliños están inmersos na experimentación coa chegada da estación do Outono. Coa súa titora Lara, estiveron a crear na aula un espazo adicado ao MUSEO DO OUTONO. Nel foron aparecendo froitos secos propios da época como as castañas e as abelás.

Con eses mesmos elementos, ademais de afondar nas súas características: similitudes e diferenzas... realizamos actividades de lóxica matemática gozando cos números de forma práctica, funcional e divertida.

Ademais tamén explotaron a súa vea máis creativa pintando piñas en equipos: ARTISTAS!!!

XOGOS NA ASEMBLEA DE INFANTIL CON FROITOS DO OUTONO

Os máis pequechos do cole xogan e aprenden durante a asemblea matutina con froitos e elementos do outono: castañas, landras, follas... 

Realizan mandalas, asocian cantidade e número, fan seriacións... Empregando materiais que atopamos na natureza e achegando a aprendizaxe ao entorno máis próximo, traballan creatividade, atención, lóxica-matemática, respeto de quendas e moitos aspectos máis.

Deixámosvos fotos dos seus momentiños na aula!

OBRADOIRO OUTONO CONTACONTOS

O pasado venres voltou a visitarnos Iria, a mami dos nosos compis Lila e Fiz. Esta vez troúxonos un obradoiro para o grupo de convivencia de Infantil e 1º/2º de Primaria. 

A actividade que nos presentou xiraba entorno ao seu libro "Pilonga e Amanito"

Comezou cunha pequena introducción sobre o OUTONO na que falamos das cores, as paisaxes, o clima... os productos do outono, coma os cogumelos e porqué.

Amosounos fotiños de diferentes cogumelos e contounos as súas características e cales se podían e non consumir. 

Tras isto, continuou cunha sesión de contacontos do seu libro.

Para rematar este obradoiro tan entretido, propúxolles aos pequenos e pequenas colorear e deseñar a súa propia casa-cogumelo e o máis divertido de todo, fixeron un collage no que se representaron a sí mesmos coma se fosen gnomos. 

Foi unha mañá diferente e cunha actividade moi completa.

Encántanos recibir visitas!! Agardámosvos de novo cando gustedes. Sempre sodes benvidos.

Moitísimas grazas Iria.😘

Agradecementos MÚSICA VIDEO:  https://www.bensound.com