ANÁLISIS DAS ETIQUETAS DOS ALIMENTOS EN 5º E 6º

Os maiores do noso cole na unidade de Alimentación e Saúde da área das Ciencias Naturais, estiveron a darlle voltas a pirámide alimenticia: en que parte da pirámide se situaban os alimentos, cales eran máis recomendables e cales tiñan que ter unha frecuencia e consumo menor, os ricos en hidratos, vitaminas...

Falando falando, e unha vez chegados aos compoñentes dos alimentos e de que para sabelo deberían observar as etiquetas que os acompañan nos envases, a súa mestra Lau, mandoulles facer un pequeno traballo de investigación.

En que consistiu?

Primeiro: búsqueda na casa da etiqueta dun produto.

Segundo: recoñecemento, discriminación e recollida de información dos datos solicitados.

Terceiro: análisis da cantidade de valor nutricional que tiña en comparación co peso total.

Un traballo completo, productivo e funcional sobre os compoñentes e valor enerxético do que consumimos.

Queda, coma sempre, constancia fotográfica dos seus traballos!!

BO TRABALLO RAPACES E RAPAZAS!

RECEITAS CATIVAS CON IRIA E DANI

O pasado venres, no Baliño, tivemos o pracer de recibir a visita duns papis moi creativos, a familia (mamá e papá) dos nosos compis Fiz e Lila. Chámanse Iria e Dani.

E que viñan a facer? Pois a presentarnos o seu libro "Grandes Receitas: o raposo Rufo" e a contarnos cousiñas relacionadas coa alimentación saudable.

Algúns non coñecían a Rufo, o seu raposiño protagonista dos contos, así que presentárono. Logo explicaron a cantidade de graxas e azúcares de diferentes alimentos comparándoos dun xeito moi visual coa súa equivalencia en terróns de azucre. Dixéronnos que era moi importante elaborar e consumir menús equilibrados e que preparalos na casa xunto coa familia era moi divertido, por exemplo a súa receita de gofres.😋😋

Logo desta sesión de interacción comunicativa, pasamos a práctica. Os nosos pequenos e pequenas tiveron que reflexionar e debuxar un prato saudable basado no que previamente nos proxectaron Iria e Dani.

Pasar o rato con eles, foi un xeito diferente de comezar as nosas mañás e non sabedes como agradecemos as visitas educativas nestes intres da nosa vida (por suposto, coas medidas de protección necesarias)

Gracias aos dous por compartir con nós o voso libro (polo agasallo do mesmo para a biblio) e por todo o que nos ensinastes neste día.

Agradecémolo moitísimo e deixamos evidencia fotográfica do momento recollida neste pequeno video.

Voltade cando queirades!

Por suposto, o libro xa forma parte da nosa pequena biblioteca e Lerín convídavos a gozar coa lectura del e a realizar algunha das súas moitas receitas. Tédelo á vosa disposición en Biblio Baliño.

QUE DEBO ALMORZAR?

Pois deste xeito atallaron os nosos peques de 5º de educación Infantil o tema do almorzo, seleccionando cales eran os alimentos máis saudables e aconsellables para comezar a mañá con moita enerxía.

Ana, a súa mestra, explicoulles cales eran as vantaxes e inconvintes de elixir un ou outro para o noso almorzo e para a nosa saúde... Quedoulles "claro, clarinete" que o exceso de azúcares era pouco recomendable.

Velaquí os tendes traballando na tarefa!

MANIPULANDO E APRENDENDO DA ALIMENTACIÓN EN 1º E 2º

Hoxe o mestre Jesús, propúxolles aos seus pequenos e pequenas de 1º e 2º de primaria, un material manipulativo e moi visual para traballar contidos da áreas das Ciencias Naturais relacionados coa ALIMENTACIÓN.

Comezaron por ordear secuencialmente as cinco comidas máis importantes do día; averiguaron/investigaron sobre a frecuencia de consumo axeitada de certos alimentos, para rematar clasificando os alimentos atendendo a súa orixe: naturais ou elaborados.

Un traballo moi completo que de seguro lles quedou gravado na memoria, xa que se transformamos as aprendizaxes en xogo todo se interioriza mellor.

NORABOA a este equipo!! Seguide así!

Deixámosvos unha pequena mostra do traballo na aula recollida en fotografías.

EXPOSICIÓN VIRTUAL CABAZAS DE SAMAÍN

 BOOOO BOOOO!!! 👻👻

Como nos iamos a esquecer da nosa exposición de cabazas de terror!🎃🎃🎃🎃

Pero claro este ano, decidimos que para evitar a tentación de tocar (aínda que vos aseguramos que os nosos nenos e nenas se están a portar de medo cumprindo as normas que a algún dos maiores tanto lle están a custar), era mellor facer a nosa exposición de xeito virtual. 

Así podemos compartir, en formato fotográfico, os seus traballos e as  súas creacións para que todos gocemos da creatividade que desbordan.

A través desta actividade coñecen e manipulan froitos/froitas de outono, traballan a creatividade, deixan voar a imaxinación, traballan autonomía, motricidade fina, toma de decisións... e por suposto, gozan de tempo en familia traballando habilidades sociais,

Uns traballos terroríficamente fantásticos!👽👾👿💀

Moitas gracias pequenos e pequenas e moitísimas gracias ás vosas familias por participar dende as vosas casiñas coas nosas propostas. 

Nunca deixades de sorprendernos e nunca deixaremos de agradecérvolo!!

KIWIS DO NOSO HORTO

Ummmmmmm...que pintaza!! Por fin, chegan os froitos do traballo ben feito e de saber esperar.

Recollemos os kiwis do noso horto para poder gozar do seu delicioso sabor nas sobremesas do comedor!!

LEITUGAS DO NOSO HORTO

Estes días no comedor, estamos a deleitarnos co sabor delicioso e natural das leituguiñas que temos plantadas no noso horto. 🥗

O noso alumnado coida del, e non creades que é sinxelo porque as galiñas do veciño🐓🐓, tamén dan conta do ricas que están e entran a intentar peteirar nelas. Temos que azualas para que marchen e nolas deixen para comer nós!! Algo temos que idear para poñerllo difícil!

Deixámosvos unhas fotiños para que vexades que boas as temos!

FROITA ARREPIANTE CREATIVA NO SAMAÍN

Ola amigos e amigas do blogue do Aliménta-t ben do Monte Baliño. Aquí estamos de volta!!✋✋✋✋

Unha pandemia e un confinamento non ían poder con nós; así que voltamos, con máis ansia se cabe, a encher este oco virtual das nosas ideas para fomentar unha alimentación saudable e a aprendizaxe sobre os alimentos nos recunchos das nosas cociñas.

Que mellor maneira de dar comezo que cunha entrada festeira, celebrada en pleno Samaín. Unha festa da que gozamos no noso cole rindo co medo! Desta volta, a proposta foi decorar de xeito creativo e temático mandarinas e plátanos.🍌🍌🍊🍌🍊 Fixémolo con "iron fix", na pel destas froitas e de xeito individual, co gallo de respectar as medidas sanitarias impostas. Por suposto, un BO LAVADO DE MANS ANTES DE COMEZAR!!

Deixaron voar a imaxinación a lugares recónditos para facer as súas creacións máis arrepiantes e porque non, co seu toque de diversión!! Os nosos alumnos e alumnas son uns cracks. 

Mirade que ben o pasaron e cales foron os resultados! 

• Canción: No Samaín
• Artista: Paco Nogueiras
• Albume: Brinca Vai