REPARTO LEITE NOS TEMPOS DE LECER

 Comeza o 1º período de reparto de LEITE nos tempos de lecer,

dende o 8 de xaneiro ata o 2 de febreiro de 2024

EXCUSIÓN GRANXA O PALOMAR (LÁNCARA) E PRODUTOS LÁCTEOS

Grazas a ANPA da nosa escola, os pequenos e pequenas habitantes do Baliño, realizamos unha excursión a unha granxa próxima situada na Láncara e chamada O Palomar.  Seguimos coñecendo a nosa galicia, e en concreto a nosa provincia, Lugo, achegándonos ao noso entorno, abrindo as portas das aulas e aprendendo fóra delas. O noso pdi "Coñecendo a provincia: Lucus Augusti" parece que nos pode dar para moito.

O Palomar, é unha granxa familiar de gando vacún de leite en intensivo, con recría en extensivo e sistema de muxido. Realizamos diferentes actividades: interactuar coas vacas e alimentar aos xatos con biberón, obradoiro de muxido dunha vaca, escoitar video-conto en primeria persoa da vaca Salomé, obradoiro de facer queixo fresco a mans da avoa Carme (escoitando as súas directrices e experiencias) e finalmente degustando uns deliciosos produtos derivados do leite: queixo, tortas, biscoito, leite fervido, iogures naturais... 

Vaia paparota de merenda!!!

Canto aprendemos e que ben nos trataron... 

AGASALLOS MARCAPÁXINAS GRAZAS AO FOGGA

 Repartimos entre o alumnado do Baliño os agasallos de marcapáxinas, cortesía do FOGGA (Fondo Galego de Garantía Agraria) por participar no programa de reparto de froitas e leite líquida de consumo para  os escolares.

Moitas grazas polo detalle!! 

O mellor regalo é ver a aceptación que a froita ten entre a nosa rapazada!! Graza por contribuir e axudarnos a facelo posible!

DISTRIBUCIÓN DE LEITE FRESCA NOS TEMPOS DE LECER

Comeza o período de distribución de leite líquido de consumo durante os tempos de lecer dende o día 11 de abril de 2023. 

Esta distribución é posible, grazas a participación na convocatoria de axudas destinadas a suministrar froita fresca, castañas e leite ao alumnado dos centros escolares galegos durante o presente curso 2022-23, xestionado polo Fondo Galego de Garantía Agraria (FOGGA), dependente da Consellería do Medio Rural. 

GANDARÍA PULUÁN S.C. LEITE E QUEIXOS DA NOSA RIBEIRA SACRA

Co gallo do día da Muller 8 de Marzo, recibimos no Baliño a algunhas mulleres do noso entorno que se ofreceron voluntariamente para falarnos dos seus traballos. Entre estas fantásticas mulleres, tivemos o gusto de acoller a Puri, dona xunto co seu marido e fillos dunha explotación leitera familiar en Monforte, na que aproveitan o leite que producen as súas vacas para transformalo en queixos. Como iniciativa distintiva, contounos que maceran algúns dos seus queixos en viños Mencía para aproveitar o prestixio da zona na que se ubican. 

Ademais deste queixo elaboran queixo fresco, semicurado e curado en formatos de kilo e medio kilo.

Explicounos o que fan no día a día na súa explotación, como reparten e colaboran no traballo, cales son os produtos que elaboran e cal e o proceso que seguen... Aprendemos de onde veñen certos alimentos e que detrás do seu consumo teñen un arduo traballo e proceso de elaborado. Fixémoslle moitas preguntas! Pasamos un bo rato xuntos

Despois Puri agasallounos cuns queixiños que ese mesmo día degustamos no comedor acompañados de marmelo para a sobremesa...

Podémosvo recomendar encarecidamente porque estaba delicioso!!!

Moitas grazas Puri e familia!!

IOGUR NATURAL

A rapazada de 3º e 4º acompañados e supervisados pola súa titora Maite, elaboraron unha receita de Iogur Natural coma antaño se realizaban, dentro da área das Ciencias Naturais na que están a estudar os fermentos.

o iogur é un alimento que se elabora grazas a que hai bacterias que transforman o leite de animais como a vaca. 

Lavaron as mans, vestiron os seus mandís e mans a obra! Que apañados e apañadas! Seguiron as instruccións paso a paso, tal e como volas imos deixar nesta entrada para que o podades realizar nas vosas casiñas. Que hai máis natural que o feito por un mesmo?  E ademais moi san porque non lle engadimos conservantes, nin colorantes nin ningún químico. 

Deixámosvos o PASO A PASO e os INGREDIENTES, ademais das fotos que recollen o momento no que se converteron en "cocinitas". Un traballo en equipo do máis gratificante á par que saudable.

• INGREDIENTES:

        -1 litro de leite (empregamos leite de vaca         caseiro)

        -1 iogur natural

• COMOSE FAI:
• Poñer o leite a quecer ata que ferva, con coidado de que non se bote por fóra do recipiente.
• Deixar arrefriar e cando o leite estea temperado, botar unha cullerada de iogur e remexer ben.
• Verter o líquido nun recipiente con tapa, cubrilo co pano de cociña para que non perda calor e deixalo ás escuras, protexido do frío.
• ou verter en vasiños de cristal, tapar e deixar na iogurteira 12 horas ata o día seguinte.

Por suposto, demos boa conta del, xa que o "zampamos" cando estivo listo nun anaquiño de tempo de ocio.

BATIDO REFRESCANTE DE FROITA e ROBÓTICA

Para ir rematando este curso tan intenso e coas altas temperaturas que estamos tendo 😎😅, ocorréusenos preparar un delicioso batido saudable para refrescar os nosos últimos días de cole.

Así que... dito e feito! A rapazada de 1º e 2º de primaria, moi disposta por certo, foi quen se encargou de todo. Decidimos facer un batido cos seguintes ingredientes: 🍎🍌🍍

• amorodos
• plátanos
• piña
• iogur natural
• leite

Nada de azucres engadidos!!!

O paso a paso? Moi sinxelo.

1. Lavar amorodos e retirar as folliñas verdes.
2. Pelar os plátanos.
3. Trocear a piña.
4. Verter todo no batedor, incluindo o leite e o iogur natural
5. Bater ata desfacer todos os anaquiños de froita.
6. Meter no frigorífico.
7. Servir frío e disfrutar...!!😋😋🍹 

Pero a cousa amiguiños e amiguiñas, non quedou aí...Tiñamos aproveitar a actividade para facer algo máis. Entón pensamos que poderiamos empregar a robótica para traballar a nosa orientación espacial, a programación, dar indicacións e a lectura. O noso robot tivo que ir recompilando os ingredientes e os pasos da elaboración da receita! 

Aquí tendes fotiños do concentrados e concentradas que estabamos...

TARTA DE QUEIXO AO FORNO

Buff que ben cheira!!!Dáme que temos sobremesa desas ricas...😋

A rapazada de 4º volveu aos fogóns!! Traballaron en equipo para preparar unha deliciosa sobremesa "Tarta de queixo ao forno" para todo o Baliño. Que ben nos coidan!

Deixámosvos evidencia fotográfica da súa receita para que a podades preparar en familia nas vosas casiñas.

BATIDO DE IOGUR E FRAMBOESAS

Este venres durante o tempo de ocio, ademais de merendar con froita (coma en tódolos recreos no Monte Baliño), tivemos unha sorpresa....

BATIDO DE IOGUR E FRAMBOESAS 😋😋

Estaba deliciosamente rico!!

Podedes animarvos a preparalo, non pode ser máis sinxelo! So precisades, collede nota: leite, iogur natural (tamén empregamos iogur sen lactosa, para os intolerantes) e framboesas ben lavadiñas e fresquiñas. Bater todo xunto e listo!!!

Como vedes no Baliño, montamos unhas merendas moi saudables!!

Como sempre aquí vos deixamos fotiños para dar envexa... Sa eh!

SEGUNDO PERÍODO DE REPARTO DE LEITE

 

Entre os días 3 DE MAIO E 14 DE MAIO, ambos inclusive, levarase a cabo o reparto de leite durante o tempo de ocio da mañá como merenda saudable. 🐮🐮🐮

Non o esquezades!! 

SORPRESA! Quizais lle engadamos algún día cacao!🍫

Nota: Os pequenos e pequenas da aula de Infantil, consumirán o leite na súa aula seguindo as medidas de hixiene e seguridade pertinentes.

IOGUR NATURAL

Seguimos a recibir propostas saudables dende as nosas aulas e grazas ao noso alumnado e as súas mestras e mestres.

A nova proposta, de seguro vos vai encantar: polo sinxela que é de facer, polo pouquiño tempo que require, polo rica que está e polo pracer de comer algo feito por nós mesmos. Desta volta, a rapazada de 1º e 2º xunto con Maite, ensínannos a elaborar IOGUR NATURAL CASEIRO.

Por suposto, respetamos todas as normas hixiénicas esixidas, sobre todo non esquecemos ter as mans moi, moi limpas!!

Poñede todos os vosos sentidos en marcha e atendede a receita:

INGREDIENTES

-1 LITRO DE LEITE ENTEIRA

-50 GR DE LEITE EN PÓ

-1 IOGUR NATURAL

ELABORACIÓN

1. Quentamos o leite a 60 º

2. Engadimos o leite en pó e remexemos

3. Botamos o iogur e seguimos remexendo.

4. Cando todo estea ben mesturado, coa axuda dunha xerra, vertemos o contido nuns vasiños de cristal.

6. Colocámolos na iogurteira e deixámolos quecer 24 horas.

7. Por último, metémolos a enfriar no frigorífico ata o día seguinte. 

Asegúrovos que están boísimos... unha servidora tivo o gusto de probalos. Grazas por compartilo rapaces e rapazas!

Queredes ver como o fixeron e como o "paparon" ??

BATIDO DE FRESAS E PLÁTANO NA AULA DE INFANTIL

Os pequenos e pequenas do Baliño, alumnado de Infantil, son grandes "comedores" de froita. En xeral, encántalles! 

Desta volta, decidiron preparar a súa merenda, tentempé da mañá eles mesmos e en versión líquida. Con fresas, plátano e leite, elaboraron un fresquiño e apetecible BATIDO🍓🍌

Que ben se sinte un e que ben sabe se te preparas ti mesmo xunto cos compis a merenda!!! Obviamente non perdemos de vista cumprir con tódalas medidas hixiénicas necesarias: lavado de mans, uso de tapabocas, distancia de seguridade durante a degustación (dentro do noso grupo burbulla de convivencia)

Como nos vos podemos dar a proba, deixamos que vexades cal foi o proceso e como nos poñemos as botas!!

Así celebramos a chegada de primavera🌼🌼🌼🌼🌼🌼

PRIMEIRO PERÍODO DE REPARTICIÓN DE LEITE

COMPARTIR É DE SABIOS!!!

Entre os días 29 de xaneiro e 11 de febreiro, ambos inclusive, levarase a cabo o reparto de leite durante o tempo de ocio da mañá como merenda saudable. 🐮🐮🐮

Non o esquezades, aínda que aí estaremos para volo recordar!!

Nota: Os pequenos e pequenas da aula de Infantil, consumirán o leite na súa aula seguindo as medidas de hixiene e seguridade pertinentes.

QUE DEBO ALMORZAR?

Pois deste xeito atallaron os nosos peques de 5º de educación Infantil o tema do almorzo, seleccionando cales eran os alimentos máis saudables e aconsellables para comezar a mañá con moita enerxía.

Ana, a súa mestra, explicoulles cales eran as vantaxes e inconvintes de elixir un ou outro para o noso almorzo e para a nosa saúde... Quedoulles "claro, clarinete" que o exceso de azúcares era pouco recomendable.

Velaquí os tendes traballando na tarefa!

FILLOAS #EUQUEDONACASA

Seguimos ON FIRE🔥🔥 no noso blogue cociñeiro. Xa non queda nada e canto estamos aprendendo con vós!!! Sodes FANTÁSTICOS E FANTÁSTICAS!!! UN DÍA MENOS....💃💃

Recibimos de novo a ADRI E A SÚA FAMILIA, que hoxe nos preparan FILLOAS #EUQUEDONACASA

INGREDIENTES:

• 50 ml auga.
  
• 100 ml leite
• 200 ml de nata
• 2 ovos
• fermento.

PASOS ELABORACIÓN:

1. Mesturar todo ben coa axuda dun batedor.
2. Ir vertendo pouco a pouco na tixola e dar a forma redondeada. Volta e volta e reservar.
3. Un truqui é verter un pouco de aceite na masa e así á hora de facelas xa non se pegan na tixola
4. Podes acompañalas do que se queira: chocolate, froita, caramelo, nata, froitos secos...

Esta receita é unha deliciosa e sinxela sobremesa que podes facer en pouquiño tempo e que como nos di esta familia acompañala con froita como plátano, kiwis ou amorodos....PRÓBAAS!!😋

Adri compartiu coa súa irmá Daniela, e... parece que lles gustaron as dúas!!! Vós que opinades??

Gracias de novo Adri por compartir con nós o tempiño de cociña coa túa familia!!! NON deixes de visitarnos!!!

LEITE ASADA #EUQUEDONACASA

Boísimos días a todos e todas!! Isto segue marchando e a nosa cociña segue quentando motores!Así da gusto empezar un novo día no que vos recordo como o día anterior que... xa queda... UN DÍA MENOS!!👏👏🎊🎈

Hoxe recibimos a visita de dous irmáns, MANU (de 3º) e RUBÉN (de 6º), e a súa familia que nos traen a súa receita de LEITE ASADA #EUQUEDONACASA

COCIÑEIRO-COCIÑEIRO, 

LAVA AS MANS, 

ANTES DE PORTE A ELO!

INGREDIENTES:

• Caramelo
• Raiadura de limón
• 8 ovos
• Azucre (6 culleriñas)
• 1 litro de leite

PASOS ELABORACIÓN:

1. Faise un caramelo con azucre e ponse na base dun molde.
2. Raiar un limón.
3. Cáscanse oito ovos nun bol e bátense mesturando coa raiadura de limón.
4. Botar o litro de leite e vólvese remexer.
5. Engádese a mestura ao molde con caramelo.
6. Métese no forno a media altura a 180º durante aprox. 30 minutos.
7. Para saber cando está feito, probar cravando un coitelo e mirar si sae seco.

CARAMELO NA BASE

OVOS

AZUCRE

LEITE

E agora deixámosvos un video no que os temos aos dous en pleno proceso de traballo e elaboración da súa receita:

Recomendación dos chefs Manu e Rubén: ESTÁ MÁIS RICO FRÍO!!!😋😋

Envíannos tamén a súa receita escrita en papel! Traballiño completo.

MOITÍSIMAS GRACIAS A MANUE E RUBÉN, e máis a súa familia, por compartir a súa coci-receita para todos os Baliños e Baliñas, e demais seguidores do noso blogue! Aquí estaremos esperando outra visita!!👋

Pois nada, xa temos outra receitiña caseira máis para pór en práctica nas nosas casiñas. E como sinalan no final da súa receita estes dous irmáns: Quédate na Casa!!🏠👪👨👧👲👴👵👳👶