SOBREMESA DE OBLEAS

A rapazada de Libre disposición de 4º xunto cos seus compis de 3º prepararon unha sobremesa para festexar o entroido chea de ilusión e cor: unha deliciosa tarta de obleas da que demos boa conta. Sen azucre engadido aos ingredientes previos.

Puxémonos as botas!!! Somos uns lambóns e unhas lamboas!

Moitas grazas aos nosos compis e a Maite pola tan ben recibida iniciativa.

INGREDIENTES:

• Obleas
• chocolate fundido (á taza, fondue...)
• Boliñas de chocolate branco, negro...
  

ELABORACIÓN: 

1. Derreter o chocolate

2. Estender chocolate por riba das obleas colocándoas unhas enriba doutras.

3. Verter chocolate sobre a montaña de obleas.

4. Reservar na nevera ata o día seguinte.

5. Sacar da nevera e decorar con creatividade.  

  Animádesvos a facela na casa ???

 

BISCOITO CEBRA #EUQUEDONACASA

BOS DÍAS A TODOS E TODAS!! Esperamos que estedes disfrutando nas vosas cociñas con todas as propostas que nos están enviando os nosos BALIÑENSES E BALIÑENSAS que xa queda UN DÍA MENOS e isto vai ir rematando!!!👌👌👌

No día de hoxe, temos de novo a visita da nosa mestra LAU, que nos trae unha receita con pintaza exquisita e cun nome moi atractivo: BISCOITO CEBRA #EUQUEDONACASA

A que vos chama a atención e estades desexando velo resultado? Os vosos desexos son ordes! Velaquí o tendes!! 

AII LAURIÑA, QUE GANIÑAS DE IR "PAPARCHO" TODO A TÚA CASA!!!

INGREDIENTES:

• 4 ovos
• 200 gr de azucre
• 250 gr de leite
• 250 gr de aceite de xirasol
• 1 culleriña de vainilla
• 250 gr de fariña
• 1 culler de fermento
• 1 pizca de sal
• 3 culleres de cacao en pó (tipo Valor en lata e sen azucre)
• 3 culleres grandes de fariña

PASOS ELABORACIÓN:

1. Prequecer o forno a 180º arriba e abaixo
2. Preparar ben o molde con manteiga e espolvorealo con fariña. Pór boca abaixo o molde para soltar o exceso de fariña
3. Noutro bol mesturar o aceite, o leite e a vainilla.
4. Tamizar a fariña, o sal e o fermento.
5. Bater ovos co azucre ata que quede ben integrado. Engadir á mestura o aceite e o leite e logo a fariña. Mesturar todo ben.
6. Separar en dous bowls igual cantidade. Nunha poñer 3 culleres de fariña e noutra 3 culleres de cacao. Mesturar cada unha ben por separado.
7. Nun molde, no centro, engadir 3 culleres da mestura blanca. Non mover o molde para nada, ela esténdese soa.
8. Xusto no medio 3 culleres de chocolate. Non mover.
9. Seguir con 3 máis da blanca no centro e sen mover o molde ir facendo unha e outra vez o mesmo ata que nos quedemos sen masa.
10. Introducir no forno e xa está. A partir dos 35 minutos pode empezar a estar. Non abrir antes o forno!! pinchar cun escarvadentes e se sae limpio xa está o biscoito. 
11. Desmoldar!!

Moi boa pinta profe Lau!!! GRACIAS. Animaivos a facelo!!! 

BIQUIÑOS VIRTUAIS

TIRAMISÚ #EUQUEDONACASA

Os martes, prepárate e dálle!!SIIIII, dálle a túa cociña, dálle a túa creatividade, dálle as novas receitas...! Veñaaaaaa compañeiros e compañeiras que xa queda UN DÍA MENOS!!!👏👏👏 Isto está feito!!Sobra dicir que o estades facendo fenomenal!

Hoxe temos visita polo blogue, o noso profe e dire JOSE (Josito para os que o queremos), traenos a súa receita de TIRAMISÚ #EUQUEDONACASA. Trátase dun postre frío de culler, orixinario de Italia alá polos anos 50.

INGREDIENTES:

• 400 gr de biscoitos soletilla, por exemplo.
• 250 g de queixo mascarpone
• 100 gr de azucre
• 3 ovos
• 2 vasos de café 
• cacao en pó

PASOS ELABORACIÓN:

1. Separar as claras das xemas dos ovoso.
2. Bater as claras con 50 gr de azucre e despois mesturar co queixo.
3. Mesturar os dous produtos anteriores con coidado para que non baixe a mestura (crema)
4. Bañar os biscoitos en café, facer unha capa con eles e botar a crema anterior por riba.
5. Repetir o paso anterior unhas cantas veces (na última capa deixar a crema por riba)
6. Deixar no frigorífico toda a noite
7. Antes de servir espolvorear o cacao ao gusto.

E FIN! Xa temos o noso tiramisú caseiro preparado para invitar a toda a familia!

O tiramisú ten moitas variantes para facelo, JOSE hoxe preséntanos a súa. MOITÍSIMAS GRACIAS JOSITO por compartir a túa receita con nós. Deica pronto!

Apertas virtuais!

P.D. NON ESQUEZADES, visitar o blogue da biblio, segue a haber un montón de contos contados por tod@s para celebrar o DÍA DO LIBRO.

OVOS DE PASCUA #EUQUEDONACASA

Boas...aquí estamos un día máis e por suposto...UN DÍA MENOS XA!!!👏👏

Hoxe temos unha receita que nos ven que nin pintada dado que estamos na época: OVOS DE PASCUA #EUQUEDONACASA, receitiña que nos envían SILVIA (a nosa orientadora) e Antía, a súa filla, que prometeron volverse pasar por aquí e cumpriron a súa promesa. Gracias chicas por visitarnos de novo así de sorpresa!!É moi agradable recibirvos.💁

INGREDIENTES:

• cacao en po.
• chocolate para sobremesas (80 gr/ovo, aproximadamente)
• 1 limón.

Ben pouquiñas cousas precisamos, non sí??

PASOS ELABORACIÓN:

1. Cortar o chocolate en trozos pequenos para que sexa máis fácil disolvelo. Isto pódese facer no microondas ou ao baño maría.
2. Lavar e cortar o limón pola metade (mellor en horizontal).
3. Unha vez feito esto hai que lle sacar a pulpa cunha culler. Tamén lle hai que sacar a membrana que separa os cuarteiróns do limón. Deixar a casca moi limpa.
4. Logo, hai que espolvorear por dentro con cacao en po.  Isto vai facer que non se pegue o chocolate á monda. Agora, hai que por o chocolate, previamente derretido, e con coidado, ir xirando o limón para que o chocolate chegue a toda a superficie ata que quede cuberta. Meter no frigorífico para que endureza o chocolate (20-30 min.)

O DESMOLDE:

Unha vez endurecido, con coidado, débese separar cunha culler ou a punta dun coitelo. Hai que facelo con moito coidado para que non se rompa.

Cando as dúas metades estean listas, limar os bordes cun coitelo para que queden lisos. Dentro pódese meter o que queirades, unha mensaxe, unha sorpresa,…

Únense as 2 metades e vanse pegando cun pouco de chocolate.

O ovo quedará co cacao en po que se colocou ao principio na casca do limón, se non che gusta pódelo sacar cun pincel de silicona ou similar.

Listos para decorar e desfrutar!!!!

Buff... pintaza que ten este doce! Animaivos a facelo estes días e se queredes mandade fotiños dos vosos resultados!!

Moitisímas gracias de novo a SILVIA e ANTÍA, esperámosvos de novo cando gustedes !!!Biquiños

P.D. Non esquezades visitar o blogue da biblioteca! Hai novidades a miúdo!!