O millo

Os pequenos e pequenas de 1º e 2º, xunto co seu titor Jimmy, investigan sobre o Reino Vexetal, na área de Ciencias Naturais, e decidiron profundizar no coñecemento deste producto, O MILLO e as súas posibilidades. 

Empregaron os sentidos para ver, ulir, manipular…facendo diferentes actividades co millo: debullar, contar, clasificar en grupos de 10 (aproximación á decena), debuxar, coñecer a planta e as partes (follas, carozo…) e ata aprendemos unha canción que conta moitas cousiñas de cal é o proceso a seguir para obter fariña do millo. Temos pendente intentala facer nós mesmos!

Foi unha actividade xenial!  

ENSALADA DE PASTA #EUQUEDONACASA

En fin xentiña, que nada, que xa estamos no medio doutra semana!! Como pasa o tempo!! e por certo... queda...UN DÍA MENOS!!!✌

Dende o noso blogue insistimos en que o estades facendo xenial ficando nas vosas casiñas pero manténdovos activos mente e corpo "Mens sana in corpore sano". Sodes uns SUPERHEROES E SUPERHEROINAS fantásticos, cuns poderes extraordinarios. Nunca o olvidedes!!

Hoxe, a nosa compi LAIA de 2º de primaria, e máis a súa familia, sorprendennos cunha receita colorida, saudable e do máis fresquiña (un segredo: eu preparo esta receita moitas veces durante o verán, encántame!): ENSALADA DE PASTA #EUQUEDONACASA.

Alá imos coa súa receita!👀👂

INGREDIENTES:

• 300 gr de pasta (elixe a forma que queiras, Laia e a súa familia escolleron espirais)
• auga (para cocer)
• 2 latas de millo
• 2 latas de atún
• 2 latas de olivas verdes
• 1 culleriña de sal
• 1 culleriña de aceite

PASOS ELABORACIÓN:

1. Poñer a auga a ferver co aceite e sal.
2. Cando ferva, botar a pasta e esperar 10-12 min
3. Retirar e deixar enfriar.
4. Unha vez fría, botar todos os ingredientes (atún, millo, olivas...
5. Remexer todo xunto e aliñar ao gusto (aceite, sal e vinagre)

Esta familia mándannos unha SUXERENCIA sobre o seu prato: "É unha receita que nos usamos moito cando imos de excursión!!!!".

Xa sabedes podedes facer coma eles e preparar esta deliciosa receita para as vosas saídas en familia: á natureza, á praia, para facer rutas de sendeirismo, de acampada...

MOITÍSIMAS GRACIAS A LAIA E MÁIS A SÚA FAMILIA!Agardamos recibir pronto novas vosas de novo. Seredes ben recibidos. Agrádanos enormemente vervos a través das redes e saber que estades ben. 

Biquiños💋💋

P.D. Non vos olvidedes de visitar o noso blogue da Biblioteca do cole. Temos novidades todos os días!!!

https://ceipmontebalinho.blogspot.com/

PONLLE AS PILAS AO TEU BOCATA

Hoxe recibimos no cole a dous visitantes moi simpáticos AiTOR-TILLA e Illa- PEPINILLA. 

Como??? que Quen son estes? Non os coñecedes? Pois son "PANS"...tampouco sabedes que significa isto?? Vémosvos perdidiños!!!!

 Son PROFES DA ALIMENTACIÓN E DA NUTRICIÓN SAUDABLE.

Xa está todo un pouquiño máis claro... Non sí?

Viñeron ao noso cole porque levan un obradoiro chamado PONLLE AS PILAS AO TEU BOCATA, que é unha modalidade incluida no plan proxecta Aliménta-t ben no que participa o noso cole. É unha campaña promovida pola Consellería do Mar coa colaboración da Consellería de Educación, a Consellería de Sanidade e Anfaco-Cecopesca, para dar a coñecer as múltiples virtudes das conservas de produtos do mar.

Prepararon dous obradoiros: un para os nenos e nenas de Infantil, 1º e 2º Primaria e outro para os rapaces e rapazas de 3º, 4º, 5º e 6º de Primaria.

A actividade constaba de dúas partes:

• Unha máis teórica e lúdica: presentación na pizarra dixital de diferentes produtos de alimentación que nos ofrece o mar; unha actividade lúdica de realización de crebacabezas e unha actividade con gafas 3D.
• Unha parte práctica: elaboración dos nosos propios bocatas elixindo os ingredientes que nos apeteron de entre varios ofertados (atún, millo, olivas, queixo, mexilón, leituga, tomate, sardiñas...)

Pasámolo moi ben durante a actividade, uns personaxes verdadeiramente divertidos e agradables. Aprendemos que comer san non ten porque ser aburrido  e que existen moitas posibilidades para realizar un bocadillo o máis saudable posible.

Así que como di o seu lema:

"XA NON CHE DOU MÁIS A LATA, É O MOMENTO DE FACER O TEU BOCATA"