Ben, pois nada cociñeiros e cociñeiras de Baliño. Rematamos este aniño escolar raro, complicado pero cheo de aprendizaxes novos. Rematamos as nosas "aventuras receteiras" neste pequeno espazo ao que todos e todas vós destes vida! Un GRACIAS ENORME👏👏 por facelo todo máis sinxelo, por participar cos vosos videos e fotos, por compartir dende as vosas casas, por todos os vosos sorrisos e as vosas deliciosas propostas.
A nosa compi de 6º Cris, que este ano deixa o cole para comezar unha nova andaina e unha alucinante aventura no Instituto, quixo pasarse por aquí para pechar un ciclo, para pechar o blogue ata setembro e deíxanos unha recomendación con pintaza: TARTA DE 3 CHOCOLATES. 🍰Pode ser máis doce, ela e a tarta?
MOITÍSIMAS GRAZAS CRIS... 💜💜💜💜💜😍Recorda que aínda que te vaias de Baliño, este sempre será o teu segundo fogar e serás sempre benvida ao cole e a pasarte para saudar polo noso blogue Aliméntate Ben (se algunha vez che apetece, manda as túas receitas...estaremos encantadísimos de verte!!)
Sen máis deíxovos co seu video que xa é unha experta, e deséxovos un FELIZ VERÁN! 🌞🌈🌅🌊🌈
Xogade, compartide e ride, ride todo o que poidades!!
PICADE NA SÚA FOTO PARA VER VIDEO!
No hay comentarios:
Publicar un comentario