MACEDONIA #EUQUEDONACASA

Bos días baliñenses e baliñensas!! como vos vai o venres? Pois nada que se acaba o mes de Maio. Atrás deixamos experiencias novas para empezar un mes que xa está pretiño do verán: o mes de Xuño.✌🌞🌊🌅

Hoxe, temos de novo a unha antiga cociñeira que se pasou por aquí xa varias veces. Agora xa monta ela os seus propios videos. Así que pouquiño teño que engadir! A nosa compi VICKY tráenos hoxe MACEDONIA #EUQUEDONACASA🍉🍊🍍🍎🍐🍑🍓

Moitísimas gracias Vicky e familia por seguirvos acordando de nós!

Un saudiño e boa finde a tod@s!!!

EMPANADILLAS DE LANGOSTINO #EUQUEDONACASA

Vaise rematando maio, e xa chama á porta o mes de xuño. Aquí te estamos esperando, descontando días e creando recordos cociñeiros! UN DÍA MENOS!

Hoxe, volta ao noso blogue a mestra SARA, que nos trae a súa recomendación cun arrecendo a mar especial, ese mar que moitos estamos ansiosos de pisar e cheirar. Pronto pasará! Deíxovos coa receita de Sara, EMPANADILLAS DE LANGOSTINO #EUQUEDONACASA e co video que ela mesma nos envía! Así da gusto! 

Sen máis, CURTO E CAMBIO! 

BISCOITO CEBRA #EUQUEDONACASA

BOS DÍAS A TODOS E TODAS!! Esperamos que estedes disfrutando nas vosas cociñas con todas as propostas que nos están enviando os nosos BALIÑENSES E BALIÑENSAS que xa queda UN DÍA MENOS e isto vai ir rematando!!!👌👌👌

No día de hoxe, temos de novo a visita da nosa mestra LAU, que nos trae unha receita con pintaza exquisita e cun nome moi atractivo: BISCOITO CEBRA #EUQUEDONACASA

A que vos chama a atención e estades desexando velo resultado? Os vosos desexos son ordes! Velaquí o tendes!! 

AII LAURIÑA, QUE GANIÑAS DE IR "PAPARCHO" TODO A TÚA CASA!!!

INGREDIENTES:

• 4 ovos
• 200 gr de azucre
• 250 gr de leite
• 250 gr de aceite de xirasol
• 1 culleriña de vainilla
• 250 gr de fariña
• 1 culler de fermento
• 1 pizca de sal
• 3 culleres de cacao en pó (tipo Valor en lata e sen azucre)
• 3 culleres grandes de fariña

PASOS ELABORACIÓN:

1. Prequecer o forno a 180º arriba e abaixo
2. Preparar ben o molde con manteiga e espolvorealo con fariña. Pór boca abaixo o molde para soltar o exceso de fariña
3. Noutro bol mesturar o aceite, o leite e a vainilla.
4. Tamizar a fariña, o sal e o fermento.
5. Bater ovos co azucre ata que quede ben integrado. Engadir á mestura o aceite e o leite e logo a fariña. Mesturar todo ben.
6. Separar en dous bowls igual cantidade. Nunha poñer 3 culleres de fariña e noutra 3 culleres de cacao. Mesturar cada unha ben por separado.
7. Nun molde, no centro, engadir 3 culleres da mestura blanca. Non mover o molde para nada, ela esténdese soa.
8. Xusto no medio 3 culleres de chocolate. Non mover.
9. Seguir con 3 máis da blanca no centro e sen mover o molde ir facendo unha e outra vez o mesmo ata que nos quedemos sen masa.
10. Introducir no forno e xa está. A partir dos 35 minutos pode empezar a estar. Non abrir antes o forno!! pinchar cun escarvadentes e se sae limpio xa está o biscoito. 
11. Desmoldar!!

Moi boa pinta profe Lau!!! GRACIAS. Animaivos a facelo!!! 

BIQUIÑOS VIRTUAIS