BUFO DE FROITA

Para dar comezo ao mes de Marzo, o grupo de convivencia formado polo alumnado de Infantil e 1º e 2º de Primaria, fixeron unha xuntanza culinaria na aula de Infantil.

Alí, xunto coas súas titoras Ana e Maite, prepararon unha deliciosa e saudable merendola para o tempo de lecer: UN BUFO DE FROITAS VARIADAS Gozaron tanto facéndoa como coméndoa!

Por descontado, dicir que se mantiveron todas as medidas de hixiene oportunas: lavado de mans, tapabocas e distancia cando degustaron a súa sobremesa.

Compartiron aprendizaxe, colaboraron, fixeron voar a súa imaxinación e creatividade, traballaron a orientación espacial, motricidade fina, seriación, traballo en equipo, respeto de opinións... e sobre todo, pasaron tempo xuntos.

Anotade os ingredientes e animaivos a pasar un bo anaco de tempo:

• Piña en rodadas
• kiwis
• amorodos
• uvas brancas
• uvas tintas

Velaquí vos deixamos un video no que recollemos momentiños da súa obra alimenticia!

PRIMEIRO PERÍODO DE REPARTICIÓN DE LEITE

COMPARTIR É DE SABIOS!!!

Entre os días 29 de xaneiro e 11 de febreiro, ambos inclusive, levarase a cabo o reparto de leite durante o tempo de ocio da mañá como merenda saudable. 🐮🐮🐮

Non o esquezades, aínda que aí estaremos para volo recordar!!

Nota: Os pequenos e pequenas da aula de Infantil, consumirán o leite na súa aula seguindo as medidas de hixiene e seguridade pertinentes.

PRIMEIRO PERÍODO DE REPARTO DE FROITA FRESCA

ATENCIÓN.... URXENTE.... DIFUNDIDE!!

Entre os días 15 de Xaneiro (venres) e ata o próximo 28 de xaneiro (xoves), informamos da repartición de froita fresca durante os tempos de ocio da mañá. 

Cada día unha froita con variedade e segunda a disposición da tempada.🍓🍊🍌🍏🍎🍐🍑

Non o esquezades e por suposto, non volo perdades!

Nota: Os pequenos e pequenas da aula de Infantil, tomarán a merenda froiteira na súa aula, cumprindo coas medidas hixiénicas pertinentes e coa ventilación precisa.